ក្រសួងសុខាភិបាលរបស់ប្រទេសសិង្ហបុរី បាននិយាយក្នុងសេចក្តីប្រកាសព័ត៌មានថ្ងៃនេះថា មានមនុស្ស ៦នាក់ហើយ បានស្លាប់ដោយវីរុសកូវីដ១៩ (៤ មេសា)។
ក្រសួងបាននិយាយថា អ្នកជំងឺគឺជាអ្នករស់នៅអចិន្ត្រៃយ៍ ក្នុងប្រទេសសិង្ហបុរី ដែលមានអាយុ ៨៨ឆ្នាំ និងមិនមានប្រវត្តិធ្វើដំណើរទៅកាន់តំបន់រីករាលដាលនៃវីរុសនេះទេ។
អ្នកជំងឺម្នាក់នេះធ្លាប់មានប្រវត្តិជំងឺបេះដូង តំរងនោម មហារីក និងទឹកនោមផ្អែម។
បុរសនោះត្រូវបានគេធ្វើរោគវិនិច្ឆ័យ ថាវិជ្ជមានវីរុសកូវីដ១៩ កាលពីថ្ងៃទី២៩ ខែមីនាកន្លងទៅ នៅឯមជ្ឈមណ្ឌលប្រយុទ្ធប្រឆាំងជំងឺឆ្លង (NCID)។
ក្រសួងសុខាភិបាល បាននិយាយថាគាត់បានស្ថិតនៅក្នុងមណ្ឌលថែទាំយ៉ាងយកចិត្តទុកដាក់ តាំងពីថ្ងៃទី៣០ ខែមីនា ប៉ុន្តែដោយការវិវត្តិនៃជំងឺកាន់តែធ្ងន់ធ្ងរទៅៗ ធ្វើឲ្យគាត់បានស្លាប់កាលពីម៉ោង ៥:៤១នាទី ព្រឹកថ្ងៃសៅរ៍នេះ៕
