បរទេស៖ អាជ្ញាធរក្នុងតំបន់ និងប្រព័ន្ធផ្សព្វផ្សាយបាននិយាយថា ចំនួនអ្នកស្លាប់ដោយសារគ្រោះរញ្ជួយដីកម្រិត ៧.៣រ៉ិចទ័រនៅកោះតៃវ៉ាន់ នៃប្រទេសចិន បានកើនឡើងដល់ ១៦នាក់ហើយ ដោយអាជ្ញាធរបានបន្ថែមថា ការឆ្លើយតបគ្រោះរញ្ជួយដីឥឡូវបានប្តូរពីជំនួយសង្គ្រោះបន្ទាន់ទៅការសង្គ្រោះ និងការកសាងឡើងវិញ។
សាកសព ៣នាក់ទៀតត្រូវបានរកឃើញ ប៉ុន្តែអត្តសញ្ញាណរបស់ពួកគេមិនទាន់ត្រូវបានបញ្ជាក់នៅឡើយទេ។ នៅវេលាម៉ោង ៧:៥៨នាទីព្រឹក ថ្ងៃទី៣ ខែមេសា ការរញ្ជួយដីនេះបានវាយប្រហារតំបន់សមុទ្រហួលេន។ រញ្ជួយដីនេះក៏បានបណ្តាលឱ្យមនុស្ស ១,១៥៥នាក់រងរបួស ខណៈមនុស្ស ៣នាក់បានបាត់ខ្លួននៅឡើយ ។
យោងតាមស្ថិតិពីអាជ្ញាធរកសិកម្មរបស់កោះនេះបានឱ្យដឹងថា ការរញ្ជួយដីបានបណ្តាលឱ្យមានការខូចខាតសរុប ៨០.៩៦លានដុល្លារតៃវ៉ាន់ (ប្រហែល ២.៥៣លានដុល្លារអាម៉េរិក) ក្នុងការបំផ្លាញផលិតផលកសិកម្ម ក៏ដូចជាសម្ភារៈឯកជន និងសាធារណៈ ជាមួយនឹងតំបន់ហួលេនទទួលរងការខាតបង់យ៉ាងធ្ងន់ធ្ងរ៕
ប្រភព៖ AKP
