បរទេស៖ ប្រព័ន្ធផ្សព្វផ្សាយរដ្ឋបាននិយាយកាលពីថ្ងៃចន្ទថា មេដឹកនាំកូរ៉េខាងជើង លោក គីម ជុងអ៊ុន (Kim Jong-un) បានផ្ញើសារលួងចិត្តប្រធានាធិបតីរុស្ស៊ីលោក វ្ល៉ាឌីមៀ ពូទីន (Vladimir Putin) ជុំវិញទឹកជំនន់ដ៏ខ្លាំងដែលបានវាយប្រហារតំបន់ភាគខាងត្បូងរបស់ប្រទេសរុស្ស៊ី។
សាររបស់លោក គីម បានធ្វើឡើងនៅក្នុងការឆ្លើយតបទៅនឹងរបាយការណ៍ប្រព័ន្ធផ្សព្វផ្សាយដែលថា ប្រទេសរុស្ស៊ីបានប្រកាសភាពអាសន្នសហព័ន្ធ បន្ទាប់ពីមានទឹកជំនន់យ៉ាងខ្លាំងនៅក្នុងតំបន់អូរេនប៊ឺហ្គរបស់ប្រទេសនេះ ដោយបានបង្ខំឱ្យមនុស្សរាប់ពាន់នាក់ត្រូវជម្លៀសខ្លួនចេញ។
ទីភ្នាក់ងារព័ត៌មានកណ្តាលកូរ៉េ (KCNA) បាននិយាយនៅក្នុងការបញ្ជូនសារជាភាសាអង់គ្លេសថា «លោក គីម ជុងអ៊ុន ក្នុងនាមរដ្ឋាភិបាល និងប្រជាជនកូរ៉េខាងជើង និងក្នុងនាមលោកផ្ទាល់ បានធ្វើការរំលែកទុក្ខយ៉ាងជ្រាលជ្រៅចំពោះប្រធានាធិបតីរុស្ស៊ី និងតាមរយៈរូបលោកទៅកាន់រដ្ឋាភិបាលរុស្ស៊ី ប្រជាជន និងជនរងគ្រោះ ចំពោះដំណឹងដ៏ក្រៀមក្រំដែលការបាត់បង់សម្ភារៈអស់ជាច្រើន។
ប្រទេសកូរ៉េខាងជើងតំណាងឱ្យឈ្មោះផ្លូវការរបស់កូរ៉េខាងជើង គឺសាធារណរដ្ឋប្រជាមានិតប្រជាធិបតេយ្យកូរ៉េ។ ប្រទេសកូរ៉េខាងជើង និងរុស្ស៊ីបាននិងកំពុងពង្រឹងកិច្ចសហប្រតិបត្តិការលើវិស័យជាច្រើន បន្ទាប់ពីកិច្ចប្រជុំកំពូលដ៏កម្ររវាងលោក គីម និងលោក ពូទីន កាលពីខែកញ្ញា។
កាលពីខែមីនា លោក គីម បានផ្ញើសារអបអរសាទរទៅកាន់លោក ពូទីន ក្នុងការបោះឆ្នោតឡើងវិញរបស់លោក ក៏ដូចជាសារចូលរួមរំលែកទុក្ខចំពោះការបាញ់សម្លាប់មនុស្សនៅសាលប្រគុំតន្ត្រីក្នុងទីក្រុងមូស្គូផងដែរ៕
ប្រភព៖ AKP
