បរទេស៖ គ្រួសារជនជាតិកូរ៉េខាងត្បូងដែលបានភៀសខ្លួនពីតំបន់ហ្គាហ្សាស្ទ្រីបដែលបានឡោមព័ទ្ធតាមព្រំដែនប្រទេសអេហ្ស៊ីបនោះ បានវិលត្រឡប់ទៅផ្ទះវិញហើយកាលពីថ្ងៃចន្ទ។
យន្តហោះអេមីរ៉ាត់ជាមួយក្រុមគ្រួសារនោះបានចុះចតនៅអាកាសយានដ្ឋានអន្តរជាតិអ៊ីនឆុន ដែលជាច្រកទ្វារសំខាន់របស់ប្រទេស ស្ថិតនៅភាគខាងលិចនៃទីក្រុងសេអ៊ូល នៅវេលាម៉ោងប្រហែល ៥:០៥នាទីល្ងាច។ យន្តហោះនោះបានឈប់នៅប្រទេសឌូបៃ មុនពេលហោះទៅទីក្រុងសេអ៊ូល។
ក្រុមគ្រួសារដែលមានគ្នា ៥នាក់នោះ បានចាកចេញពីទីក្រុងគែរកាលពីល្ងាចថ្ងៃអាទិត្យ (ម៉ោងក្នុងតំបន់) ជាកន្លែងដែលពួកគេបានជ្រកកោនបន្ទាប់ពីជម្លៀសចេញពីតំបន់ដែលហែកហួរដោយសង្រ្គាម ដោយឆ្លងកាត់ព្រំដែនរ៉ាហ្វាហ៍ កាលពីថ្ងៃព្រហស្បតិ៍សប្តាហ៍មុន។
គ្រួសាររបស់ស្ត្រីជនជាតិកូរ៉េខាងត្បូងម្នាក់ត្រូវបានកំណត់អត្តសញ្ញាណដោយនាមត្រកូលរបស់លោកស្រីថា ឆយ ដែលជាប្តីដើមរបស់លោកស្រីដែលមានដើមកំណើតប៉ាឡេស្ទីន និងកូនចំនួន ៣នាក់របស់ពួកគេ បានរស់នៅក្នុងតំបន់ហ្គាហ្សាអស់រយៈពេលជាង ៧ឆ្នាំ មុនពេលជម្លោះប្រដាប់អាវុធរវាងអ៊ីស្រាអែល និងក្រុមសកម្មប្រយុទ្ធហាម៉ាស់បានចាប់ផ្តើម។ ក្រុមគ្រួសារនោះបានបដិសេធមិនផ្តល់បទសម្ភាសន៍ណាមួយនៅឯអាកាសយានដ្ឋាននោះទេ៕
ប្រភព៖ AKP
