បរទេស៖ ទិន្នន័យផ្លូវការបានបង្ហាញថា ការដឹកជញ្ជូនសាធារណៈក្នុងទីក្រុងរបស់ប្រទេសចិនបានកត់ត្រានូវកំណើនដ៏រឹងមាំនៅក្នុង ៣ត្រីមាសដំបូងនៃឆ្នាំនេះ ជាមួយនឹងចំនួននៃការធ្វើដំណើរដែលបានកើនឡើង ១៦,៧% ពីមួយឆ្នាំទៅមួយឆ្នាំ។
យោងតាមក្រសួងដឹកជញ្ជូនចិនបានឱ្យដឹងថា ក្នុងអំឡុងពេលនោះ ការធ្វើដំណើរចំនួន ៦៩,៩៥ប៊ីលានដង ត្រូវបានគ្រប់គ្រងដោយប្រព័ន្ធដឹកជញ្ជូនសាធារណៈក្នុងទីក្រុងនានារបស់ប្រទេស។
ជាពិសេស ការធ្វើដំណើររបស់អ្នកដំណើរដែលបានធ្វើឡើងតាមរយៈបណ្តាញផ្លូវដែកក្នុងទីក្រុងរបស់ប្រទេសចិន ដែលបានកើនឡើង ៤៣% ពីមួយឆ្នាំទៅមួយឆ្នាំ ដោយឈានដល់ចំនួន ២១,៤៩ប៊ីលានដង ខណៈដែលទំនិញដែលធ្វើឡើងតាមរយៈសេវាកម្មសាឡាងបានកើនឡើង ៨៦,៥% ដោយឈានដល់ចំនួន ៦៣,០៣លានដង។
សេវារថយន្តក្រុង និងរថភ្លើងបានគ្រប់គ្រងការធ្វើដំណើរចំនួន ៣០,៣៥ប៊ីលានដងក្នុងរយៈពេល ៣ត្រីមាសដំបូង ដោយបានកើនឡើង ៧,៣% ធៀបនឹងរយៈពេលដូចគ្នាកាលពីឆ្នាំមុន។
ទិន្នន័យនោះក៏បានបង្ហាញផងដែរថា ការធ្វើដំណើរនៅទីក្រុងដោយរថយន្តតាក់ស៊ី បានកើនឡើង ៨,៧% ធៀបនឹងឆ្នាំមុន ដែលឈានដល់ចំនួន ១៨,០៤ប៊ីលានដង ក្នុងរយៈពេលដូចគ្នានេះ៕
ប្រភព៖ AKP
