ក្រុមប្រឹក្សាសន្តិសុខអង្គការសហប្រជាជាតិ បដិសេធទៅលើសំណើរបស់រុស្ស៊ីសម្រាប់ដំណោះស្រាយជម្លោះរវាងអ៊ីស្រាអែល និងប៉ាឡេស្ទីន

បរទេស៖ ក្រុមប្រឹក្សាសន្តិសុខអង្គការសហប្រជាជាតិ (UNSC) បានច្រានចោលចំពោះសំណើរបស់រុស្ស៊ីសម្រាប់ដំណោះស្រាយជម្លោះរវាងអ៊ីស្រាអែល និងប៉ាឡេស្ទីន។ នេះបើយោងតាមអ្នកសារព័ត៌មានតាសស៍។

ការបោះឆ្នោតចំនួនប្រាំដែលត្រូវបានបោះឆ្នោតដោយរុស្ស៊ី ចិន អេមីរ៉ាតអារ៉ាប់រួម ហ្គាបុង និងម៉ូសំប៊ិក គឺមិនគ្រប់គ្រាន់សម្រាប់ការអនុម័តនោះទេ។ ចក្រភពអង់គ្លេស សហរដ្ឋអាមេរិក បារាំង និងជប៉ុន បានជំទាស់ទៅនឹងសំណើនេះ ខណៈដែលអាល់បានី ប្រេស៊ីល អេក្វាឌ័រ ហ្គាណា ម៉ាល់តា ស្វីស អេក្វាឌ័រ អនុប្បវាទ។

បន្ទាប់ពីការបោះឆ្នោត បេសកជនរុស្ស៊ីប្រចាំនៅអង្គការសហប្រជាជាតិ លោក វ៉ាស៊ីលី ណេបេនហ្ស៊ីយ៉ា បានពណ៌នាថា ក្រុមប្រឹក្សាសន្តិសុខជាចំណាប់ខ្មាំងចំពោះមហិច្ឆតារបស់ប្រទេសលោកខាងលិច។

អ្នកការទូតរូបនេះបាននិយាយថា «នេះ គឺជាហេតុផលតែមួយគត់ដែលបរាជ័យក្នុងការបញ្ជូនសញ្ញាសមូហភាពច្បាស់លាស់ និងរឹងមាំ ដែលធ្វើឱ្យស្ថានការណ៍កាន់តែតានតឹង»។

យោងតាមបេសកជនសហរដ្ឋអាមេរិកប្រចាំអង្គការសហប្រជាជាតិ លោកស្រី លីនដា ថមម៉ាស់ ហ្រ្គីនហ្វៀល បានឱ្យដឹងថា សហរដ្ឋអាមេរិកបានបោះឆ្នោតប្រឆាំងទៅនឹងសំណើនៃដំណោះស្រាយដែលបានស្នើឡើងនោះ ដោយសារតែវាមិនបានថ្កោលទោសទៅលើក្រុមហាម៉ាស់។ លោក ណេបេនហ្ស៊ីយ៉ា បានប្រាប់ក្រុមអ្នកសារព័ត៌មានមុនពេលបោះឆ្នោតថា សំណើរបស់រុស្ស៊ីមិនបាននិយាយអំពីក្រុមរ៉ាឌីកាល់នោះទេ ដោយសារតែទីក្រុងមូស្គូផ្តោតទៅលើតែបញ្ហាមនុស្សធម៌៕

ប្រភព៖ ក្រសួងព័ត៌មាន