បរទេស៖ កាលពីពេលថ្មីៗនេះ បណ្តាទីក្រុង និងខេត្តនានារបស់ប្រទេសឡាវ បានបំផ្លាញគ្រឿងញៀនរាប់សិបតោន រួមជាមួយនឹងវត្ថុពាក់ព័ន្ធជាច្រើនទៀត ដែលភ្នាក់ងារអនុវត្តច្បាប់រឹបអូសបានពីមុន ដើម្បីឆ្លើយតបទៅនឹងទិវាជាតិប្រយុទ្ធប្រឆាំងគ្រឿងញៀននៅក្នុងប្រទេសឡាវ (ថ្ងៃទី១២ ខែតុលា)។
គ្រឿងញៀនដែលត្រូវបានបំផ្លាញទាំងនោះ រួមមានថ្នាំញៀនជាង ២១តោន ដែលរួមមាន ហេរ៉ូអ៊ីន កេតាមីន កាហ្វេអ៊ីន កូកាអ៊ីន បារីអេឡិចត្រូនិចនៅក្នុងខេត្តបកែវ ថ្នាំញៀនហេរ៉ូអ៊ីន ២៩គីឡូក្រាម ថ្នាំញៀនមេតំហ្វេតាមីន ២,៦លានគ្រាប់ និងសម្ភារៈពាក់ព័ន្ធគ្រឿងញៀនផ្សេងទៀតនៅខេត្តឧត្តមសាយ និងថ្នាំញៀនជាង ១៦.០០០គ្រាប់នៅខេត្តសាយសំប៊ូន។
លោក ថុងផៀង គង់សាដេត ស្នងការរងនៃស្នងការនគរបាលខេត្តសាយសំបួរ បានរាយការណ៍ថា នៅក្នុងមូលដ្ឋាន មានករណីគ្រឿងញៀនសរុបចំនួន ៦៩ករណី ដោយបានឃាត់ខ្លួនមនុស្សចំនួន ៩៥នាក់ និងបានរឹបអូសថ្នាំញៀនចំនួន ២៣.០៩៣គ្រាប់ ថវិកាចំនួន ១០,៤លានដុល្លារអាម៉េរិក ព្រមទាំងម៉ូតូចំនួន ១២គ្រឿង និងទូរស័ព្ទដៃចំនួន ៨គ្រឿង៕
ប្រភព៖ AKP
