បរទេស៖ ប្រធានាធិបតីអាមេរិក លោក Joe Biden បាននិយាយថា លោកនឹងប្រើប្រាស់កងកម្លាំងជាជម្រើសចុងក្រោយ ដើម្បីកុំឲ្យប្រទេសអ៊ីរ៉ង់ទទួលបានអាវុធនុយក្លេអ៊ែរ ខណៈដែលលោកបានចាប់ផ្តើមដំណើរទស្សនកិច្ចទៅកាន់មជ្ឈិមបូព៌ា។
កាលពីថ្ងៃពុធ នៅក្នុងបទសម្ភាសន៍ជាមួយទូរទស្សន៍ប៉ុស្តិ៍លេខ 12 របស់អ៊ីស្រាអែល ដែលបានថតកាលពីថ្ងៃអង្គារ មុនពេលដែលលោកចាកចេញពីទីក្រុងវ៉ាស៊ីនតោន លោក Biden បាននិយាយថា លោកនឹងរក្សាកងឆ្មាំបដិវត្តន៍អ៊ីស្លាម (IRGC) របស់អ៊ីរ៉ង់នៅក្នុងបញ្ជីអង្គការភេរវករបរទេស (FTO) របស់សហរដ្ឋអាមេរិក បើទោះបីជាបោះបង់កិច្ចព្រមព្រៀងនុយក្លេអ៊ែរជាមួយនឹងអ៊ីរ៉ុងកាលពីឆ្នាំ២០១៥ក៏ដោយ។
នៅពេលសួរថាតើសេចក្តីថ្លែងការណ៍ពីមុនរបស់លោកដែលថា លោកនឹងរារាំងទីក្រុងតេអេរ៉ង់ពីការទទួលបានអាវុធនុយក្លេអ៊ែរ មានន័យថាលោកនឹងប្រើកងកម្លាំងប្រឆាំងនឹងអ៊ីរ៉ង់ ឬអត់ លោក Biden បានឆ្លើយតបថា “ប្រសិនបើនោះជាជម្រើសចុងក្រោយ នោះគឺ យើងនឹងប្រើ” ។
ប៉ុន្តែអ៊ីរ៉ង់បដិសេធថា ខ្លួនចង់បានអាវុធនុយក្លេអ៊ែរ ដោយនិយាយថាកម្មវិធីនុយក្លេអ៊ែររបស់ខ្លួនគឺសម្រាប់គោលបំណងសន្តិភាពតែមួយគត់ ៕
ប្រភព៖ អគ្គស្នងការដ្ឋាននគរបាលជាតិ
