បរទេស៖ នេះបើបើយោងតាមការចេញផ្សាយរបស់សារព័ត៌មាន RT នៅថ្ងៃទី១១ ខែមេសា ឆ្នាំ២០២២ បានអោយដឹងថាប្រធានាធិបតីអាមេរិកលោក Joe Biden បានប្រកាសហាមប្រាមការផលិត និងលក់ “Ghost Gun” ដែលជាអាវុធផលិតដោយខ្លួនឯងនៅផ្ទះ មិនមានលេខសៀរៀលធ្វើឱ្យអាជ្ញាធរពិបាកក្នុងការតាមដាននៅពេលករណីឧក្រិដ្ឋកម្មណាមួយកើតឡើង។ លោកប្រធានាធិបតីបានប្រកាសជាផ្លូវការនូវច្បាប់ថ្មីកាលពីថ្ងៃចន្ទ ដោយចាត់ទុកវាជាការខុសច្បាប់សម្រាប់អាជីវកម្មផលិតអាវុធដោយគ្មានលេខសៀរៀលនេះ។
ជាពិសេស ច្បាប់នេះបានកំណត់នូវអ្វីដែលគេហៅថាកញ្ចប់ “ទិញឧបករណ៍បាញ់កាំភ្លើង” ដែលអាចធ្វើការទិញដោយខ្លួនឯង ដែលការទិញមិនស្ថិតនៅក្រោមការត្រួតពិនិត្យផ្ទៃខាងក្រោយ និងគ្រឿងខាងក្នុងនោះទេ។ ដោយឡែក “អាវុធ” នៅក្រោមច្បាប់គ្រប់គ្រងកាំភ្លើង មានន័យថាអ្នកផលិត និងអ្នកលក់អាវុធទាំងនោះ ត្រូវការអាជ្ញាប័ណ្ណ ហើយត្រូវតែធ្វើការត្រួតពិនិត្យផ្ទៃខាងក្រោយមុនពេលធ្វើការលក់។ ច្បាប់ថ្មីមួយទៀតតម្រូវឱ្យអ្នកលក់រក្សាកំណត់ត្រារបស់អ្នកទិញ ដរាបណាពួកគេស្ថិតក្នុងអាជីវកម្ម៕
