បរទេស៖ នេះបើយោងតាមការចេញផ្សាយរបស់សារព័ត៌មាន RT នៅថ្ងៃទី៨ ខែមេសា ឆ្នាំ២០២២ បានអោយដឹងថាសហរដ្ឋអាមេរិកបានដាក់ទណ្ឌកម្មបន្ថែមទៀតទៅលើក្រុងមូស្គូ ដែលលើកនេះផ្តោតលើសហគ្រាសរដ្ឋ រួមទាំងក្រុមហ៊ុនរុករករ៉ែធំបំផុតមួយរបស់ពិភពលោក និងក្រុមហ៊ុនផលិតកប៉ាល់កំពូលរបស់រុស្ស៊ី។
ក្រសួងរតនាគារ និងក្រសួងការបរទេសបានបង្ហាញការពិន័យថ្មីកាលពីថ្ងៃព្រហស្បតិ៍ដោយនិយាយថាពួកគេនឹងដាក់ទណ្ឌកម្មទៅលើក្រុមហ៊ុនរុករករ៉ែ Alrosa របស់រុស្ស៊ី និងសាជីវកម្ម United Shipbuilding ។
មន្ត្រីជាន់ខ្ពស់ក្រសួងរតនាគារលោក Brian Nelson បាននិយាយថា “ទណ្ឌកម្មទាំងនេះនឹងបន្តដាក់សម្ពាធដល់អង្គភាពសំខាន់ៗដែលផ្តល់លទ្ធភាព និងផ្តល់មូលនិធិដល់សង្គ្រាមដល់រុស្ស៊ី” ដោយបានប្តេជ្ញាបន្តកិច្ចខិតខំប្រឹងប្រែងដើម្បី “រឹតបន្តឹងការចូលប្រើប្រាស់ទ្រព្យសម្បត្តិរបស់វិមានក្រឹមឡាំង”៕
