បរទេស៖ នេះបើយោងតាមការចេញផ្សាយរបស់សារព័ត៌មាន RT នៅថ្ងៃទី៣០ ខែមីនា ឆ្នាំ២០២២ បានអោយដឹងថា រដ្ឋាភិបាលអូទ្រីសបានប្រកាសអាសន្នដំណាក់កាលទីមួយទាក់ទងនឹងការផ្គត់ផ្គង់ឧស្ម័នធម្មជាតិភ្លាមៗបន្ទាប់ពីអាល្លឺម៉ង់បានធ្វើដូចគ្នានេះកាលពីថ្ងៃពុធ។ ក្រុងវីយែនបានបង្ហាញពីការព្រួយបារម្ភពីការខ្វះខាតឧស្ម័ន និងប្រេង ប្រសិនបើរុស្ស៊ីទទូចអោយទូទាត់ជាប្រាក់ “រូប” ដោយមិនមែនជាប្រាក់ដុល្លារ ឬអឺរ៉ូដែលត្រូវបានដាក់ទណ្ឌកម្ម។
ការដាស់តឿនដំណាក់កាលទី១ នេះ មានន័យថា “ការចង្អុលបង្ហាញជាក់ស្តែង និងគួរឱ្យទុកចិត្តដែលការផ្គត់ផ្គង់ឧស្ម័នអាចនឹងធ្លាក់ចុះ”។ ប្រព័ន្ធផ្សព្វផ្សាយក្នុងស្រុកបានរាយការណ៍ថា ប្រទេសនៅសល់ឃ្លាំងស្តុកប្រេងបម្រុងប្រមាណ ១៣% ដែលជាមធ្យមសម្រាប់ប្រើនៅរដូវកាល៕
