បរទេស៖ នេះបើយោងតាមការចេញផ្សាយរបស់សារព័ត៌មាន RT នៅថ្ងៃទី១៦ ខែមីនា ឆ្នាំ២០២២ បានអោយដឹងថាក្រុមហ៊ុន Samsung បាននិយាយកាលពីថ្ងៃពុធថា ប្រព័ន្ធទូទាត់ប្រាក់តាមទូរស័ព្ទរបស់ខ្លួន Samsung Pay នឹងបន្តផ្តល់សេវាកម្មដល់អ្នកប្រើប្រាស់ជនជាតិរុស្ស៊ី ទោះបីជាប្រតិបត្តិការមួយចំនួនប្រហែលជាមិនមាននៅពេលនេះក៏ដោយ។
យោងតាមបណ្តាញសង្គម Telegram ផ្លូវការរបស់ក្រុមហ៊ុន បានបញ្ជាក់ថាអ្នកប្រើប្រាស់ប្រហែលជាមិនអាចធ្វើការទូទាត់ និងផ្ទេរប្រាក់ដោយប្រើកាត Mastercard និង Visa ដែលចេញដោយធនាគាររុស្ស៊ីបានទេ។ ចំពោះសំបុត្រធ្វើដំណើរដែលបានចេញ និងបញ្ចូលទៅក្នុង Samsung Pay នឹងបន្តដំណើរការធម្មតា៕
