បរទេស៖ នេះបើយោងតាមការចេញផ្សាយរបស់សារព័ត៌មាន Sky News នៅថ្ងៃទី១២ ខែមីនា ឆ្នាំ២០២២នេះ បានអោយដឹងថាកូវីដ១៩ ប្រភេទថ្មី ដែលត្រូវបានគេអោយឈ្មោះថា “ដែលតាក្រុង” ជាកូនកាត់រវាងកូវីដ១៩ “ដែលតា” និង “អូមីក្រុង”។ ការព្រួយបារម្ភត្រូវបានលើកឡើងនៅដើមឆ្នាំនេះបន្ទាប់ពីការស៊ើបអង្កេតដោយមន្ទីរពិសោធន៍នៅប្រទេស Cyprus ។
ឥឡូវនេះ ក្រុមអ្នកស្រាវជ្រាវផ្នែកមេរោគមកពីវិទ្យាស្ថានប៉ាស្ទ័រនៅទីក្រុងប៉ារីសបានតម្រៀបហ្សែននៃប្រភេទ “Deltacron”។
មានករណីមួយចំនួនត្រូវបានរកឃើញនៅប្រទេសបារាំង កាលពីដើមខែមករា ហើយនៅថ្ងៃទី៩ ខែមីនា ឆ្នាំ២០២២នេះ អង្គការសុខភាពពិភពលោក (WHO) បានប្រកាសថាបានរកឃើញកូវីដ១៩ ដែលតាក្រុង នេះ នៅក្នុងប្រទេសហូឡង់ នឹងដាណឺម៉ាក។
ក្នុងនោះក៏មានការរកឃើញ ២ករណីផងដែរ នៅសហរដ្ឋអាមេរិក ជាមួយនឹងការសង្ស័យផ្សេងទៀតនៃការឆ្លងរាលដាល។
ហើយកាលពីខែមុន ទីភ្នាក់ងារសន្តិសុខសុខភាពចក្រភពអង់គ្លេស (UKHSA) បានបង្ហាញករណីមួយនៃ Delta & Omicron ត្រូវបានរកឃើញនៅក្នុងមនុស្សម្នាក់ដែលបានឆ្លងមេរោគទាំងពីរប្រភេទនេះ៕
ប្រភព៖ Sky News
