បរទេស៖ នេះបើយោងតាមការចេញផ្សាយរបស់សារព័ត៌មាន RT នៅថ្ងៃ៧ ខែមីនា ឆ្នាំ២០២២កន្លងមក បានអោយដឹងថានាយករដ្ឋមន្ត្រីហុងគ្រី លោក Viktor Orban បានចុះហត្ថលេខាលើប្រកាសពីការហាមឃាត់ការផ្គត់ផ្គង់អាវុធដល់អ៊ុយក្រែន ដោយសារតែតម្រូវការដើម្បីការពារសន្តិសុខរបស់ប្រទេសខ្លួន។
នៅក្នុងវីដេអូសេចក្តីថ្លែងការណ៍មួយដែលត្រូវបានចេញផ្សាយកាលពីថ្ងៃចន្ទនៅលើបណ្តាញសង្គម Facebook លោកនាយករដ្ឋមន្ត្រីបាននិយាយថាប្រកាសនេះត្រូវបានចេញផ្សាយបន្ទាប់ពីការវាយតម្លៃអំពីស្ថានភាពនៅក្នុងប្រទេសអ៊ុយក្រែន។ គាត់បាននិយាយបន្ថែមទៀតថា គាត់បានបានសម្រេចចិត្តហាមឃាត់ការផ្គត់ផ្គង់អាវុធ នៅពេលដែលសកម្មភាពយោធាកាន់តែខិតទៅជិតព្រំដែនហុងគ្រី។
លោកបន្តថា “ការបញ្ជានេះបញ្ជាក់យ៉ាងច្បាស់ថាអាវុធមិនអាចដឹកជញ្ជូនពីទឹកដីហុងគ្រីទៅទឹកដីអ៊ុយក្រែនបានទេ”៕
