បរទេស៖ នេះបើយោងតាមការចេញផ្សាយរបស់សារព័ត៌មាន RT នៅថ្ងៃទី៥ ខែមីនា ឆ្នាំ២០២២នេះ បានអោយដឹងថានាយករដ្ឋមន្ត្រីចិន បានព្រមានចំពោះបំណងចង់បំបែកខ្លួន និងការជ្រៀតជ្រែកពីបរទេសចំពោះរឿងកោះតៃវ៉ាន់ ដែលទីក្រុងប៉េកាំងចាត់ទុកថាស្ថិតនៅក្រោមអធិបតេយ្យភាពរបស់ខ្លួន។
លោក Li Keqiang បានលើកឡើងក្នុងកិច្ចប្រជុំសភាប្រចាំឆ្នាំកាលពីថ្ងៃសៅរ៍ថា ប្រទេសចិនចង់បង្កើននៅទំនាក់ទំនងប្រកបដោយសន្តិភាព និងចង់ធ្វើការបង្រួបបង្រួមជាមួយកោះតៃវ៉ាន់ឡើងវិញ។
លោកបានបន្ថែមទៀតថា “យើងទាំងអស់គ្នា សុទ្ធតែជាជនជាតិចិន ដែលនៅសងខាងច្រកសមុទ្រតៃវ៉ាន់។ ពួកយើង គួរតែរួមគ្នាដើម្បីជំរុញបុព្វហេតុដ៏អស្ចារ្យ និងរុងរឿងនៃការស្តារឡើងវិញរបស់ប្រទេសចិន”៕
