បរទេស៖ នេះបើយោងតាមការចេញផ្សាយរបស់សារព័ត៌មាន RT នៅថ្ងៃទី៤ ខែមីនា ឆ្នាំ២០២២នេះ បានអោយដឹងថាតម្លៃឧស្ម័ននៅអឺរ៉ុបបានកើនឡើងដល់ទៅជិត ២៤០០ដុល្លារ ក្នុង ១០០០ម៉ែត្រគូប ឫ ២១២អឺរ៉ូ ក្នុងមួយមេហ្គាវ៉ាត់ម៉ោង សម្រាប់ការប្រើប្រាស់ក្នុងគ្រួសារ។ ការកើនឡើងនៃតម្លៃដ៏ខ្ពស់នេះ បានក្លាយជាលើកដំបូងក្នុងប្រវត្តិសាស្ត្រទីផ្សារ ខណៈដែលការវាយលុករបស់យោធារុស្ស៊ីនៅអ៊ុយក្រែននៅតែបន្ត។
នេះបើយកតាមទិន្នន័យរបស់ Lodon’s ICE បានអោយដឹងថា នៅខែមេសាខាងមុខនេះ TTF ក្នុងប្រទេសហុងឡង់អាចនឹងឡើងដល់ទៅ ២៣៩២ដុល្លារ ក្នុង ១០០០ម៉ែត្រគូប ដែលបានបំបែកកំណត់ត្រាថ្លៃបំផុត ២២៨០ដុល្លារ។
គួរបញ្ជាក់ថាកាលពីថ្ងៃព្រហស្បត្តិ៍កន្លងទៅបំពង់បង្ហូរឧស្ម័នធម្មជាតិពីប្រទេសរុស្ស៊ីទៅប្រទេសអាល្លឺម៉ង់តាមរយៈបំពង់ Yamal-Europe ត្រូវបានផ្អាកដំណើរការរបស់ខ្លួន ទោះបីជាតម្រូវការនៅតែមានដដែរ៕
