បរទេស៖ នេះបើយោងតាមការចេញផ្សាយរបស់សារព័ត៌មាន Reuters នៅថ្ងៃទី២ ខែមីនា ឆ្នាំ២០២២នេះ បានអោយដឹងថាស្ថានទូតចិនប្រចាំនៅក្រុងវ៉ាស៊ីតោនបានព្រមានប្រជាជនខ្លួនដែលកំពុងរស់នៅក្នុងសហរដ្ឋអាមេរិកអោយមានការប្រុងប្រយ័ត្នខ្ពស់ចំពោះសុវត្ថិភាពផ្ទាល់ខ្លួន ដោយសារតែមានការព្រួយបារម្ភពីស្ថានភាពសន្តិសុខ។
ក្នុងនោះតាមរយៈវេបសាយរបស់ស្ថានទូតចិនបានបញ្ជាក់យ៉ាងដូច្នេះថា “វាអាចនឹងមានការស្អប់ ឬការរើសអើងប្រឆាំងជនជាតិចិន នៅក្នុងសហរដ្ឋអាមេរិក ហើយពលរដ្ឋអាស៊ីអាចនឹងប្រឈមមុខនឹងការវាយប្រហារ ដែលបង្កឡើងដោយការរើសអើង ដែលនេះនឹងធ្វើឱ្យប៉ះពាល់យ៉ាងធ្ងន់ធ្ងរដល់សុវត្ថិភាពពលរដ្ឋចិន”៕
