ក្លឹបអ៊ីតាលី Lazio នៅសប្តាហ៍នេះបានធ្វើការបង្ហាញជំហបដិសេធមិនព្រមទទួលយកសំណើរជាទឹកប្រមាណជា៥៤លានផោនពីក្លឹបសេដ្ឋីបារាំង PSG ឡើយក្នុងការសុំស្នើទិញយកកីឡាករ Milinkovic Savic។
Le10sport បានរាយការណ៍ដែរថាសំណើរត្រូវបានបដិសេធដោយក្លឹបអ៊ីតាលីមួយនេះខណៈដែល PSG បានបញ្ជាក់ដែរថាកីឡាកររូបនេះនឹងក្លាយទៅជាផ្នែកមួយនៃបដិវត្តទំរង់លេងរបស់ក្លឹបដ៏ធំមួយនៅរដូវក្តៅនេះ។Lazio ត្រូវបានគេដឹងទៀតដែរថាបានបដិសេធមិនយល់ព្រមរាល់លក្ខណ្ឌដែលបានផ្តល់តាំងតែពីជុំទី១នៃកិច្ចពិភាក្សារវាងក្លឹបនិងភ្នាក់ងាររបស់កីឡាករមកម្ល៉េះ។
ក្លឹបជើងឯកបារាំងមួយនេះក៏បានតាមដានកីឡាករវ័យ២៥រូបនេះជាយូរមកហើយគឺយូរល្មមចាប់តាំងតែពីពេលដែល Savic បានផ្ទេរមកដល់ទឹកដីអ៊ីតាលីជាលើកដំបូងពីក្លឹប Genk កាលពីឆ្នាំ២០១៥ក្នុងតម្លៃខ្លួនប្រមាណជា១៦លានផោន៕
ប្រែសម្រួល៖Lee
