ក្លឹបមាន់ខ្នាយមាស Spurs ក្រោមការដឹកនាំរបស់លោក Jose Mourinho ត្រូវបានកាសែតអង់គ្លេស The Sun ចេញផ្សាយថាកំពុងមានបំណងចង់បានកីឡាករខ្សែការពារប្រេស៊ីលវ័យចំណាស់ម្នាក់គឺ Thiao Silva ក្នុងនាមជាកីឡាករគ្មានតម្លៃខ្លួនមករួមក្លឹបនៅរដូវក្តៅខាងមុខនេះ។
លោក Mourinho ចាំបាច់ត្រូវតែបង្កើនកម្លាំងក្នុងតំបន់ការពាររបស់ខ្លួនឡើងវិញជាពិសេសនៅក្រោយពេលដែលកីឡាករ Jan Vertonghen នឹងត្រូវចាកចេញពីក្លឹបនៅចប់រដូវកាលនេះ។ PSG ក៏បានបញ្ជាក់ច្បាស់ហើយដែរថាកីឡាករ Edinson Cavani និងកីឡាករប្រធានក្រុម Silva គឺនឹងត្រូវផុតកុងត្រាជាមួយនឹងក្លឹបហើយនៅបញ្ចប់រដូវកាលនេះ។
ប្រធានផ្នែកកីឡារបស់ក្លឹប PSG លោក Leonardo បានបញ្ជាក់ហើយថាក្លឹបមិនមានផែនការក្នុងការបន្តកុងត្រាជូនពួកគាត់ទាំងពីរនាក់ឡើយខណៈដែលគ្រប់គ្នាបានឃើញហើយថា Cavani បច្ចុប្បន្នមានវ័យ៣៣ឆ្នាំនិង Silvaមានវ័យ៣៥ឆ្នាំទៅហើយនោះ៕
ប្រែសម្រួល៖Lee
