​M​i​ch​a​e​l​ ​O​w​e​n ធ្វើឲ្យ  ​A​g​u​e​r​o សម្រេចបំណងបានលេងនៅលើទឹកដីអង់គ្លេស 

ខ្សែ​ប្រ​យុទ្ធ​ ​S​e​r​g​io​ ​A​g​u​e​r​o ​រ​ប​ស់​ក្រុ​ម​ ​M​an​c​h​e​s​t​e​r ​C​i​t​y​ ​បាន​និ​យា​យ​ថា​ ​M​i​ch​a​e​l​ ​O​w​e​n ​បា​ន​ធ្វើ​ឱ្យ​គា​ត់​ចង់​លេ​ង​នៅ​ ​P​r​em​i​e​r​ ​L​e​a​g​ue​ ​ប​ន្ទា​ប់​ពី​គ្រា​ប់​បា​ល់​ដ៏អ​ស្ចា​រ្យ​រ​ប​ស់​គា​ត់​ពេ​ល​ប្រ​កួ​ត​ជាមួ​យ​អា​ហ្ស​ង់​ទី​ន​ក្នុ​ង​ព្រឹ​ត្តិ​ការ​ណ៍​ ​W​o​r​l​d​ ​C​u​p​ ​ឆ្នាំ​ ​១​៩​៩​៨​ ​។

Aguero បានចូលរួមជាមួយ Man City ក្នុងឆ្នាំ ២០១១ និងបានក្លាយជាកីឡាករបរទេសដែលរកគ្រាប់បាល់បានច្រើនជាងគេនៅក្នុងប្រវត្តិសាស្ត្រ Premier League កាលពីខែមករាបន្ទាប់ពីបានបំបែកកំណត់ត្រារបស់កីឡាករ Thierry Henry ចំនួន ១៧៥ គ្រាប់។

ប៉ុន្តែត្រូវបានគេលើកឡើងថា ដោយធ្លាប់បានឃើញគ្រាប់បាល់ដ៏អស្ចារ្យរបស់ Owen ដែលធ្វើឲ្យគាត់ ចង់ក្លាយជាកីឡាករម្នាក់លេងនៅលើទឹកដីអង់គ្លេស ។

កីឡាករ​ខាងលើបាននិយាយក្នុងបទសម្ភាសន៍តាមរយៈ Instagram  ជាមួយ Henry និង PUMA ថា កាលពីក្មេង​ខ្ញុំតែងតែមើល Michael Owen  ខ្ញុំតែងតែនិយាយពីគាត់ ក្នុងសៀវភៅ របស់ខ្ញុំក៏និយាយអំពីគាត់ ។ ខ្ញុំចូលចិត្តគាត់ ព្រោះគាត់តូច គាត់ពាក់លេខ ១០ដូចខ្ញុំ  ហើយគាត់ជាកីឡាករស្លាបប្រយុទ្ធដូចខ្ញុំទៀត។

ដូច្នេះខ្ញុំបានប្រាប់ខ្លួនឯងថាប្រសិនបើកីឡាករតូចដូចគាត់ធ្វើបានល្អនៅ Premier League ពេលនោះខ្ញុំក៏អាចធ្វើបានដែរ។ ខ្ញុំចាំថា  ខ្ញុំនៅក្មេង​មានអាយុ ៩-១០ ឆ្នាំ។

វាគឺនៅឆ្នាំ ១៩៩៧/៩៨/៩៩ ។ គាត់បានរកគ្រាប់បាល់ដ៏អស្ចារ្យនេះជាមួយអង់គ្លេស។ ខ្ញុំនៅក្មេងហើយនៅពេលដែលខ្ញុំបានឃើញ ទិដ្ឋភាពបែបនោះ ខ្ញុំមិនអាចជឿភ្នែកខ្ញុំបានទេ។

ខ្ញុំបានមើលការប្រកួត World Cup នៅក្នុងសង្កាត់របស់ខ្ញុំហើយខ្ញុំកំពុងប្រាប់អ្នករាល់គ្នាថាខ្ញុំស្រឡាញ់ Owen ។

បញ្ជាក់ផងដែរថា Aguero  បានចាកចេញពីទឹកដីអាហ្សង់ទីន ក្នុងឆ្នាំ ២០០៦  ដើម្បីចូលរួមលេង​ជាមួយ Atletico Madrid នៅ LaLiga ដោយរស់នៅប្រកបអាជីពបាល់នៅទីនេះ រយៈពេល ៥ឆ្នាំ មុនផ្លាស់ទៅកាន់ ពហុកីឡដ្ឋាន Etihad ៕

ទស្សនា​វីដេអូឃ្លិបដូចខាងក្រោមនេះ៖