របាយការណ៍ចុងក្រោយដែលផ្សាយចេញដោយ ដេលីម៉េល បានឲ្យដឹងថា ក្លិបហង្សក្រហមនឹងលុបផែនការ ចុះហត្ថលេខា កីឡាកររូបណាចូលមកកាន់ក្លិបនោះទេ ដោយសារតែផល ប៉ះពាល់ផ្នែកហិរញ្ញវត្ថុ ផ្តើមចេញពីជំងឺកូវីដ ១៩ ។
បញ្ហាជំងឺកូវីដ១៩ នេះ បានធ្វើឲ្យក្លិបជាច្រើននៅក្នុងលីកកំពូលអង់គ្លេស ជួបវិបត្តិសេដ្ឋកិច្ច ថមថយ ដែលធ្វើឲ្យក្លិបជាច្រើនគ្រោងកាត់បន្ថយចំណាយក្នុងទីផ្សារដោះដូរ។
ប្រភពខាងលើនេះបានរៀបរាប់ថា ហង្សក្រហមបានរៀបចំកញ្ចប់ថវិកាត្រៀមខាតបង់ ទោះបីជាលីកកំពូលអង់គ្លេសត្រូវបានបញ្ចប់ក៏ដោយនោះ។
ម្យ៉ាងវិញទៀត ក្នុងករណី ក្លិបទាំងអស់ត្រូវលេងបិទទ្វារ ដោយមិនឲ្យទស្សនិកជនចូលទស្សនា ក្លិបទាំងនោះ នៅតែត្រូវចំណាយថវិកាជូនទូរទស្សន៍ដដែល ដោយពួកគេជាអ្នកផ្សាយ នៅក្រោយ ។
ជាមួយបញ្ហាទាំងនេះ ត្រូវបានគេលើកឡើងថា ហង្សក្រហមនឹង មានបញ្ហាបន្ទុកហិរិញ្ញវត្ថុ ធ្ងន់ ក្នុងទីផ្សារដោះដូរកីឡាករ ហើយដល់រដូវកាលថ្មី ក៏គ្មានលទ្ធភាពយកកីឡាករថ្មី មកចូលរួមផងដែរ។
បញ្ជាក់ផងដែរថា កីឡាករពីររូបដែលហង្សក្រហមចង់បាន រួមមាន Timo Werner នៅ RB Leipzig ដែលមានតម្លៃមិនក្រោម ៥០លានផោន និង Aouar ដែលមានតម្លៃ ៤០លានផោន កំពុងលេងនៅក្លិប Lyon ៕
