កីឡាករឆ្នើមប្រេស៊ីល Ze Roberto ក្រោយចូលនិវត្តន៍អស់ជាច្រើនឆ្នាំមកហើយ ពេលនេះបានបង្ហាញខ្លួនសាជាថ្មី នៅលើបណ្តាញសង្គម និងកំពុងធ្វើឲ្យអ្នកគាំទ្រមានការភ្ញាក់ផ្អើលយ៉ាងខ្លាំង ជាមួយនឹងរូបថត និងវិដេអូមួយចំនួននៅលើបណ្តាញសង្គម។
ក្នុងវ័យ៤៥ឆ្នាំទៅហើយប៉ុន្តែ Ze Roberto ពិតជាបានធ្វើមិត្តរួមជំនាន់អាជីព កីឡាករជាច្រើនមិននឹកស្មាននោះទេ។រាងកាយដ៏ម៉ាំមួន សាច់ដុំកង់ៗ ដែលយើងអាចមើលឃើញបានបញ្ជាក់ថា អតីតកីឡាកររបស់ក្លឹប Real Madrid និង Bayern Munich រូបនេះបានប្រឹងប្រែងហ្វឹកហាត់មិនតិចឆ្នាំនោះទេ។
ពាក្យមួយឃ្លា ដែលអតីតកីឡាករការពារឆ្នើមរូបនេះបានសរសេរបង្ហោះ នៅលើបណ្តាញសង្គមថា មនុស្សតែម្នាក់ដែលអ្នកគួរតែប្រកួតយកឈ្នះ ដើម្បីឲ្យក្លាយជាមនុស្សដែលខ្លាំងជាងមុននោះ គឺខ្លួនអ្នកកាលពីថ្ងៃម្សិលមិញ ហើយរក្សាការព្យាយាម និងការយកចិត្តទុកដាក់បំផុតរាល់អ្វីដែលអ្នកកំពុងធ្វើ៕
ប្រែសម្រួល៖Lee
