កំពូលកីឡាករខ្សែប្រយុទ្ធវ័យចំណាស់តែមិនព្រមចាស់ Cristiano Ronaldo ត្រូវបានគេដឹងមកហើយថានឹងមានកុងត្រាផុតសុពលភាពត្រឹមឆ្នាំ២០២២ខាងមុខនេះប៉ុន្តែជឿជាក់ថាក្លឹបយក្សអ៊ីតាលីមួយនេះនឹងអាចទាញយកប្រយោជន៍បន្ថែមទៀតពីរូបគេតាមរយៈការពិចារណាបន្តកុងត្រាថ្មី។
កាសែតអង់គ្លេស The Mirror នៅថ្ងៃអង្គារនេះបានសរសេរថាកុងត្រាថ្មីដែលក្លឹប Juventus ត្រៀមផ្តល់ឲ្យ CR7 មានន័យថាគ្រប់គ្រាន់ល្មមដែលនឹងអនុញ្ញាតិឲ្យកីឡាកររូបនេះចូលនិវត្តន៍នៅក្នុងប្រទេសអ៊ីតាលីតែម្តង។ប្រភពដដែលបានសរសេរទៀតថាកុងត្រាថ្មីអាចនឹងត្រូវផ្តល់ឲ្យកីឡាកររូបនេះរហូតទៅដល់ឆ្នាំ២០២៤។
បច្ចុប្បន្ន CR7 មានវ័យ៣៥ឆ្នាំទៅហើយប៉ុន្តែរូបគេនៅតែបន្តរកគ្រាប់បាល់បានឥតឈប់ឈរឡើយដោយរដូវកាលនេះបង្ហាញខ្លួន២២ដងរូបគេរកបានទៅដល់២១គ្រាប់ហើយកុងត្រាថ្មីនឹងអាចឲ្យគ្រប់គ្នាមើលឃើញកីឡាកររូបនេះលេងបាល់រហូតដល់អាយុ៣៩ឆ្នាំជាមិនខាន៕
ប្រែសម្រួល៖Lee
