ក្រោយចប់ការប្រកួតកាលពីយប់មិញភ្លាមគ្រូបង្វឹកក្លឹបលោក Ole Soslkjaer បាន ធ្វើការលើកសរសើរខ្លាំងអំពីកីឡាករវ័យ១៨ឆ្នាំ Mason Greewood ខ្លាំងមែនទែនដោយបានទាំងបញ្ជាក់ថាគឺជាខ្សែប្រយុទ្ធល្អបំផុតរបស់ក្លឹបផងដែរនៅពេលនេះ។Greenwood អូសបាល់ស៊ុតបញ្ចូលគ្រាប់ទី៣ជួយឲ្យ Man United យកឈ្នះ Watford យ៉ាងងាយស្រួលលទ្ធផល៣ទល់នឹង០។
ទោះបីជាយ៉ាងណាក្តីគ្រូបង្វឹកសញ្ជាតិនវេរូបនេះក៏បានបន្ថែមទៀតភ្លាមៗដែរថា Greenwood ល្អខ្លាំងមែនប៉ុន្តែមិនទាន់អាចប្រៀបធៀបទៅនឹងសមត្ថភាពរបស់ Wayne Rooney ដែលជាអតីតខ្សែប្រយុទ្នឆ្នើមរបស់ក្លឹបនោះបានឡើយក្នុងវ័យដូចគ្នានោះ។Greenwood នៅខ្វះចំណុចសំខាន់មួយចំនួនជាពិសេសរូបរាងកាយដែលមិនទាន់ដូចជាមនុស្សពេញវ័យនៅឡើយនោះផង។
ជ័យជំនះលទ្ធផល៣ទល់នឹង០កាលពីយប់មិញនេះបានជួយឲ្យលោក Solskjaer ធូរស្រាលសំពាធបន្តិចរកបាន៣ពិន្ទុខណៈដែលបច្ចុប្បន្នកំពុងធ្លាក់ទៅដល់លេខរៀងទៅ៧ក្នុងលីកទៅហើយនោះ៕
ប្រែសម្រួល៖Lee
