លោក Giuseppe Conte នាយករដ្ឋមន្ត្រីអ៊ីតាលី បានពន្យាការប្រកួតក្នុងក្របខណ្ឌអ៊ីតាលី Serie A ដោយក្នុងនោះមានក្រុម Inter ជាមួយ Sampdoria ខណៈដែលជំងឺកូរ៉ូណា បានរីករាលដាល់ដល់ទឹកដី Milan ក្នុងប្រទេសអ៊ីតាលី។ នេះបើយោងតាមការចុះផ្សាយពីគេហទំព័រ dailymail ។
ទន្ទឹមជាមួយគ្នានេះដែរ Inter Milan ក៏បានប្រកាសពីការសម្រេចចិត្តនេះ នៅលើបណ្តញទំនាក់ទំនងសង្គមធ្វីតទ័រ កាលពីយប់ថ្ងៃសៅរ៍ ហើយក៏នឹងត្រូវប៉ះពាល់ដល់ការប្រកួតរវាងក្រុម talanta ជាមួយ Sassuolo និង Verona និង Cagliari ក៏ត្រូវផ្អាកលេងដូចគ្នា។
យោងតាមលិខិតរដ្ឋមន្ត្រីក្រសួងកីឡា លោក Vincenzo Spadafora ដែលបានផ្ញើទៅកាន់ ដែលបានផ្ញើទៅកាន់គណកម្មាធិកាអូឡាំពិករបស់អ៊ីតាលី នៅយប់ថ្ងៃសៅរ៍ ថា រដ្ឋាភិបាលកំពុងធ្វើការលើវិធានការណ៍បន្ទាន់ លើករណីឆ្លងរាលដាលនៃវីរុសនេះ។
គណកម្មាធិកាអូឡាំពិករបស់អ៊ីតាលីបានបង្ហាញសារយ៉ាងខ្លីថា«ដោយហេតុផលការពារនិងការប្រុងប្រយ័ត្នខ្ពស់តាមបទបញ្ជារបស់រដ្ឋាភិបាលខ្ញុំស្នើសុំឱ្យអ្នកបញ្ឈប់ព្រឹត្តិការណ៍កីឡាគ្រប់កម្រិតដែលបានគ្រោងទុកសម្រាប់តំបន់ Lombardy និង Veneto នាថ្ងៃអាទិត្យផងដែរ»។
គួរបញ្ជាក់ផងដែរថា នៅក្នុងប្រទេសមួយនេះ មានបញ្ហាឆ្លងរហូតដល់ ៧៩ នាក់ ដោយក្នុងនោះមានអ្នកស្លាប់ម្នាក់ជាគ្រូស័្មគ្រចិត្ត នៃវិស័យកីឡា ក្នុងចំណោម២ នាក់៕
