នៅថ្ងៃនេះកាសែតអង់គ្លេស The Sunsport បានចេញផ្សាយថាក្លឹបតោខៀវ Chelsea បានចុះឈ្មោះក្នុងការប្រជែងជាមួយនឹងក្លឹបផ្សេងទៀតក្នុងការនាំយកកីឡាករវ័យក្មេងម្នាក់តម្លៃរហូតទៅដល់៥០លានផោនទាំងដឹងថានឹងត្រូវប្រជែងជាមួយនឹងក្លឹបបិសាចក្រហម Man United។
កីឡាករ Jude Bellingham ដែលមានវ័យទើបតែ១៦ឆ្នាំកំពុងលេងឲ្យក្លឹប Birmingham ហើយកំពុងក្លាយជាគោលដៅទាក់ចិត្តក្លឹបធំៗនៅអ៊ឺរ៉ុបមានទាំងក្លឹប Real Madrid និង Barcelona ផងដែរ។សម្រាប់ Chelsea ដែលបានរងបម្រាមទិញដូរកីឡាករជាយូរមកហើយនោះគឺមិនបានបញ្ហាឡើយសម្រាប់តម្លៃនេះហើយក៏មិនប៉ះពាល់ដល់គោលដៅផ្សេងទៀតដូចជា Sancho តម្លៃ១២០លានផោននោះឡើយ។
គេបានដឹងដែរថាកាលពីមុនក្លឹបបិសាចក្រហម Man United បានដាក់សំណើរជាកញ្ចប់ប្រាក់៣០លានផោនម្តងហើយសម្រាប់កីឡាករ Bellingham ប៉ុន្តែតម្លៃនេះនឹងត្រូវឡើងក្រោយពេលដែលកីឡាករបានបង្ហាញខ្លួនកាន់តែញឺកញាប់ឡើងនោះហើយរូបគេត្រូវបានចាត់ទុកថាជាកីឡាករល្អមានលំនាំតាមវិរៈបុរសអង់គ្លេស Wayne Rooney ផងដែរ៕
ប្រែសម្រួល៖Lee
