ទីបំផុតក្លឹបបិសាចក្រហម Man United ត្រូវបានគេជឿជាក់ថាអស់ទ្រាំជាមួយនឹងកីឡាករបារាំង Paul Pogba ហើយក្នុងការបន្តរក្សាទុករូបគេនៅ Old Trafford ដោយក្នុងនោះក្លឹបបានបើកសញ្ញាភ្លើងខៀវហើយដោយទំលាក់តម្លៃខ្លួនរបស់កីឡាកររូបនេះដល់ទៅ៣០លានផោនពីតម្លៃទាមទារលើកមុន។
ប្រភពដដែលបានបញ្ជាក់ថាក្លឹបនឹងសុខចិត្តលក់កីឡាកររូបនេះចេញក្នុងតម្លៃត្រឹមតែ១៥០លានផោនប៉ុណ្ណោះពីតម្លៃចាស់ដែលខ្លួនបានទាមទារប្រមាណជា១៨០លានផោន។ក្លឹបដែលនៅតែបន្តចង់បាន Pogba នោះមានដូចជា Real Madrid និង Juventus ដដែល។
នេះមានន័យថាទាំងកីឡាករនិងទីភ្នាក់ងាររបស់កីឡាករគឺលោក Mino Raiola នឹងអាចចាកចេញពីក្លឹបហើយនៅចុងបញ្ចប់រដូវកាលនេះប្រសិនបើមានការត្រូវរ៉ូវគ្នាទៅលើតម្លៃមួយនេះ៕
ប្រែសម្រួល៖Lee
