ភ្នំពេញ៖ក្លិបបាល់ទាត់ ក្រសួងការពារជាតិ បានឡើងទៅជួប អាស៊ីអឺរ៉ុប យូណាយធីត ពានរង្វាន់ TV5 Season Championship 2020 បន្ទាប់ពីក្រុមទាំងពីរទទួលជ័យជម្នះដូចគ្នាកាលពីម្សិលមិញ។
ក្រុមម្ចាស់ផ្ទះ ក្រសួងការពារជាតិ បានយកឈ្នះលើក្រុម សូលទីឡូអង្គរ ក្នុងលទ្ធផល ២ទល់០ កាលពីម្សិលមិញ នាកីឡដ្ឋានស្តាតចាស់ នឹងបានឡើងទៅវគ្គផ្តាច់ព្រ័ត្រ ដែលត្រូវជួបជាមួយក្រុម អាសុីអឺរ៉ុប យូណាយធីត ដែលបានយកឈ្នះក្រុម ណាហ្គាវើលដ៍ ដោយលទ្ធផល ៤ទល់៣ ក្នុងថ្ងៃជាមួយគ្នា។
សូមបញ្ជាក់ថា ក្រសួងការពារជាតិ នឹងប្រកួតលើកពានជាមួយ អាសុីអឺរ៉ុប យូណាយធីត នៅថ្ងៃសៅរ៍ ទី១៩ ខែមករា នេះ ដើម្បីស្វែងរកក្រុមជើងឯក ខណៈ ណាហ្គាវើលដ៍ ប៉ះ សូលទីឡូអង្គរ ដើម្បីយកលេខ៣ ៕
