Joao Felix បានសារភាពថា លោក Diego Simeone កំពុងព្យាយាមជំរុញខ្លួន ឲ្យមានរាងកាយស្ថិតក្នុងកម្រិតមួយដ៏ល្អ សម្រាប់ក្លិប Atletico Madrid ។
Felix បានប្រាប់ A Bola លោក Diego Simeone ចង់ឲ្យខ្ញុំមានថាមពលច្រើន ឬហ្វឹកហាត់ឲ្យដល់កម្រិត ជាមួយការប្រកួតដែលសេសសល់។ដូច្នេះខ្ញុំត្រូវធ្វើការលំបាកជាច្រើន ដើម្បីភាពខ្លាំង។
កីឡាករវ័យក្មេងរូបនេះ ត្រូវបានក្លិបនៅអេស្ប៉ាញខាងលើទិញ មកក្នុងតម្លៃ ១២៦លានអឺរ៉ូ ប៉ុន្តែមិនបានរងសម្ពាធជាមួយតម្លៃខ្លួនឡើយ។
លោកបានបន្តថា ខ្ញុំគ្មានបញ្ហាអ្វីជាមួយតម្លៃខ្លួន ដែលបានចុះហត្ថលេខានោះទេ៕
