ហង្សក្រហម Liverpool ត្រូវបានគេរាយការណ៍មកថា បានឈ្នះការប្រជែង ទៅលើក្រុមបិសាចក្រហម ដើម្បីចុះហត្ថលេខាយកកីឡាករ Jadon Sancho ពីក្លិប Dortmund ។
លោក Simon Hughes បានអះអាងថា ខ្សែបម្រើស្លាបរបស់ក្រុម Borussia Dortmund កំពុងតែឆ្ពោះទៅកាន់ទឹកដី Anfield ទោះបីជាមានការចាប់អារម្មណ៍ពីក្រម Manchester United និង Chelsea ក៏ដោយ។
កីឡាករអាយុ ១៩ឆ្នាំរូបនេះ គឺជាកីឡាករដែលទទួលបានការចាប់អារម្មណ៍ពីក្លិបធំៗ នៅតំបន់អឺរ៉ុប ក្នុងរយៈពេល ១៨ខែចុងក្រោយ។
គាត់បានក្លាយជាកីឡាករដ៏សំខាន់សម្រាប់ក្លឹបអាឡឺម៉ង់ ហើយឥលូវនេះ បានក្លាយជាកីឡាករ ជម្រើសជាតិអង់គ្លេសក្រោមការដឹកនាំរបស់ Gareth Southgate ។
ជាមួយគ្នានេះដែរ តោខៀវ ត្រូវបានគេជឿជាក់ថា កំពុងចាប់អារម្មណ៍ទៅលើ កិច្ចលើកីឡាករខាងលើដូចគ្នា ក្រោយការដកបម្រាមផ្ទេរ ។
ខណៈដែលមានក្រុមជាច្រើនចង់បាន មានការលើកឡើងថា Sancho នឹងចូលលេងឲ្យហង្សក្រហម ខណៈដែលលោក Jurgen Klopp គឺជាគ្រូបង្វឹកដែលតែងតែត្រូវកាវនូវកីឡាករដែលមានទេពកោសល្យខ្ពស់ ថ្វីបើមានកីឡាករ Sadio Mane និង Mo Salah ។លោក Hughes បាននិយាយថា ច្បាស់ណាស់ហង្សក្រហមពិតជាចង់ចុះហត្ថលេខាយក កីឡាករ Sancho៕
