Frank Lampard បានលើកឡើងថា ក្រុមតោខៀវរបស់គាត់គួរតែចុះហត្ថលេខាយកកីឡាករ Nathan Ake មកវិញ ។
កីឡាករអាយុ ២៤ឆ្នាំរូបនេះ ធ្លាប់ជាកីឡាករយុវជនរបស់ក្លិបតោខៀវ ប៉ុន្តែត្រូវបានក្លិបលក់ចេញ ទៅឲ្យក្លិប AFC Bournemouth ក្នុងឆ្នាំ ២០១៧ ។ ការបណ្តោយឲ្យកីឡាករសញ្ជាតិហុល្លង់នេះ ចាកចេញពីក្លិបត្រូវបានគេលើកឡើងថា វាជាកំហុសធំមួយ ដែលបណ្តោយឲ្យកីឡាករ ល្អចាកចេញដូច្នោះ ។
អតីតយុវជនតោខៀវ ខាងលើបច្ចុប្បន្ន ជាខ្សែការពារដ៏លេចធ្លោរបស់ AFC Bournemouth ក្រោមការដឹកនាំ Eddie Howe ។
កីឡាករវ័យក្មេងរូបនេះ បានបង្ហាញខ្លួនលើកទី១០០ ជូន Bournemouth ដែលបូករួមទាំងការប្រកួតចុងក្រោយ កាលពីចុងសប្តាហ៍កន្លងទៅ ។
ទន្ទឹមជាមួយគ្នានេះដែរ លោក Frank Lampard បានបង្ហាញកាយវិការថា ចង់នាំកីឡាករ Nathan Ake មកវិញ ៕
