គ្រូជម្រើសជាតិកម្ពុជាថា នៅតែរក្សា​ជំហរប្រយុទ្ធទ្វេរដង បើនៅតែការពារកាន់តែចាញ់

ភ្នំពេញ៖ ក្នុងសន្និសីទសារព័ត៌មានមុនកា​​រប្រ​កួ​ត​​ ​F​I​F​A​ W​o​r​l​d​ ​C​u​p​ ​Q​a​ta​r​ ​2​0​2​2​ ​វ​គ្គជ​ម្រុះ​ ​P​r​e​l​i​m​in​a​r​y​ ​J​o​i​n​t ​Q​u​a​l​i​f​ic​a​t​i​o​n​ ​R​o​u​n​d​ ​២ នៅព្រឹកថ្ងៃទី​១៤ ខែតុលា ឆ្នាំ ២០១៩ ដោយលោក Felix ថា នៅតែរក្សាជំហរប្រយុទ្ធដដែល ។​

គ្រូបង្គោលគោព្រៃកម្ពុជា បានលើកឡើងថា នៅតែរក្សាគោលជំហរប្រយុទ្ធប្រកួតប្រជែង ក្នុងការប្រយុទ្ធដើម្បីឲ្យយើង រីកចំរើន ។ យើងបានលេងជាមួយក្រុមកម្រិតកំពូលនៅលើពិភពលោក ដែលស្មើជាមួយអេស្ប៉ាញ ដែលជាក្រុមខ្លាំងមួយនៅក្រុម​ World Cup
ជាក្រុមដែលខ្លាំង និងជាការប្រកួតដែលយើងមិនធ្លាប់ជួបពីមុន ។​

លោកថា យើងនឹងព្យាយាមបន្តដំណើរទៅមុខទៀត ហើយជាឱកាស ដែលយើងចង់បង្ហាញថាយើងក្រោកឡើង នឹងបន្តទៅមុខទៀត បើសិនយើងការពារ យើងនឹងចាញ់ទ្វេរដង វាមិនល្អសម្រាប់កម្ពុជានៅពេលខាងមុខ ក្នុងការប្រកួតប្រជែង ។
លោកថា​ចំណុចខ្វះខាតយើង គឺ ល្បឿន កាយសប្បទា តែយើងមានទេពកោសល្យ ខុសពីក្រុមផ្សេងៗ ហើយយកវាទៅប្រកួតប្រជែង ។ បើសិនយើងចង់លេង បាន ៩០នាទី យើងត្រូវការវិន័យ នៅលើទីលាន ហើយនេះជាអ្វីដែលយើងចង់បានផល នាពេលខាងមុខ៕