អធិរាជស Real Madrid កំពុងចូលរួមការផ្លាស់ប្តូរដ៏ភ្ញាក់ផ្អើលមួយ ដោយចង់បានកីឡាករខ្សែប្រយុទ្ធរបស់ មេឃខៀវ ។
ក្លិបយក្សអេស្ប៉ាញ អធិរាជស កំពុងព្យាយាមដោះស្រាយបញ្ហាវិបត្តិ លើទីលាន ដោយធ្លាក់ទម្រង់លេង ទាំងក្នុងលីក និងពាននៅតំបន់អឺរ៉ុប ។
យោងតាមប្រភពព័ត៌មាននៅក្នុងប្រទេសអេស្ប៉ាញ បានចុះថា ពួកគេបាន ដាក់គោលដៅរួចរាល់ហើយ ជាមួយការចង់បានកីឡាករដ៏មានសក្តានុពល នារដូវកាលក្រោយ ដោយពួកគេចង់បានកីឡាករ Gabriel Jesus ។
ព័ត៌មាននៅអេស្ប៉ាញមួយបានបន្តថា ពួកគេចង់បានកីឡាករ អាយុ ២២ឆ្នាំនេះ មកជំនួសតំណែងតំបន់ប្រយុទ្ធ ដែលកំពុងជួបបញ្ហារកេរកូត ។
ទន្ទឹមជាមួយការចង់បាន Gabriel Jesus នេះលោក ហ្ស៊ីដាន់នឹងត្រូវលក់ចេញ កីឡាករ Bale ខណៈដែលភ្នែករបស់លោក មើលឃើញថា កីឡាករ សញ្ជាតិប្រេស៊ីលនេះ មានសក្តានុពល ដែលអាចជំនួសបាន។
ចាប់តាំងពី Ronaldo ចាកចេញពី Real Madrid ទៅកាន់ Juventus កាលពីឆ្នាំ ២០១៨ មកទល់នឹងពេលនេះ អធិរាជស នៅមិនទាន់រកឃើញ ខ្សែប្រយុទ្ធណាល្អ អាចផ្តាច់ទីរាល់ការប្រកួតនៅឡើយ។
Jesus ចាប់តាំងពីមកដល់មេឃខៀវ ក្នុងតម្លៃខ្លួន ២៧លានផោន ដោយលេងបាន៣ឆ្នាំមកនេះ នៅមិនទាន់បានវិវត្តន៍ខ្លួនលេង ជាទៀងទាត់ ជាមួយ Man City នោះទេ។ ដោយតែងតែលេងជាជម្រើសទី២ បន្ទាប់ពី Sergio Aguero ៕
