គ្រូបង្វឹកតោខៀវ បានយល់ថា ក្រុមរបស់គាត់បានបង្ហាញថាពួកគេអាចប្រកួតប្រជែងជាមួយ ហង្សក្រហមបាន ប៉ុន្តែមិនអាចឈានដល់ កម្រិតកំពូលដូចក្រុមលោក Jurgen Klopp នៅឡើយ។
សារព័ត៌មានGoal បានចុះថា Frank Lampard កំពុងតែប្រាថ្នាយ៉ាងខ្លាំង ត្រូវធ្វើយ៉ាងណាឲ្យដូចក្រុមហង្សក្រហម Liverpool បន្ទាប់ពីក្រុមលោក ចាញ់ ក្នុងលទ្ធផល 1-2 ដែលជាក្រុមនាំមុខនៅលីគកំពូលអង់គ្លេស ។
ហង្សក្រហមបច្ចុប្បន្នឃើញថាធ្វើបានល្អ ដោយ ៦ប្រកួតនៃការចាប់ផ្តើមរដូវកាលនេះឈ្នះទាំង ៦ប្រកួត និងអរគុណដល់គ្រាប់បាល់របស់ Trent Alexander-Arnold និង Roberto Firmino ។
តែ N’Golo Kante បានជួយឲ្យតោខៀវ បំបែកពងរបស់ហង្សក្រហមបាន បន្ទាប់ពីសម្រាកនោះ ។ តោខៀវពេលនេះ ស្ថិតនៅលេខរៀងទី ១១ មាន ៨ពិន្ទុ ដោយចាញ់ក្រុមកំពូលតារាងហង្សក្រហមចំនួន ១០ពិន្ទុ ៕
