Paul Pogba ត្រូវបានគេរាយការណ៍ថា បានយល់ព្រមលើកិច្ចព្រមព្រៀង ប្រាក់កម្រៃប្រចាំសប្តាហ៍ 429,000 ផោន ជាមួយនឹង Paris Saint-Germain មុនថ្ងៃទីផ្សារដោះដូរបានបិទ ប៉ុន្តែការផ្លាស់ប្តូរនេះត្រូវបានបញ្ចប់ដោយសារតែការស្នើសុំរបស់ Neymar ទៅកាន់ Barcelona មិនបានសម្រេច ។
ខ្សែបម្រើសញ្ជាតិបារាំងរូបនេះ បានក្លាយជាគោលដៅក្លិបយក្សធំៗ ដូចជា Barcelona, Real Madrid និង PSG ដែលបានផ្តោតក្នុងទីផ្សារដោះដូរ កន្លងទៅ ។
បណ្តាញផ្សព្វផ្សាយ Calciomercato បានអះអាងថា បិសាចក្រហមបានព្រមព្រៀងលក់ចេញកីឡាករបារាំងស្បែកខ្មៅខាងលើ ទៅកាន់ម្ចាស់ជើងឯក លីគកំពូលបារាំង មុនពេលទីផ្សារដោះដូរកីឡាករត្រូវបានបិទ។ ប៉ុន្តែអ្វីត្រូវបានបញ្ចប់ទៅវិញ ក្រោយតារាបាល់ទាត់ប្រេស៊ីល Neymar មិនអាចវិលទៅកាន់ Barcelona វិញ ។
ជាលទ្ធផល Pogba បានខកខានលើប្រាក់ខែប្រចាំឆ្នាំ ២២ លានផោនដែលត្រូវបានដាក់ដោយភាគីរបស់ Thomas Tuchel។
ទោះជាយ៉ាងនេះក្តី គេបានជឿជាក់ថា ក្រុមហ៊ុន Adidas ជាចំណែកមួយ ដែលដើរតួនាទីយ៉ាងសំខាន់ ដែលតម្រូវឲ្យកីឡាករ Paul Pogba បន្តស្នាក់នៅ លេងជាមួយក្លិប បិសាចក្រហម ។
ចំណែកលោក Ole Gunnar Solskjaer ត្រូវបានគេរាយការណ៍មកថា ក៏បានបើកចំហរនៃគំនិតក្នុងការលក់ Pogba ដោយយកថវិកាដែលបានពីរ ការលក់នេះ សំឡឹងមើលខ្សែបម្រើ និងកីឡាករផ្សេងៗ ជាច្រើនទៀត៕
