ខ្សែប្រយុទ្ធរបស់ក្លិប Bayern Munich លោក Robert Lewandowski បានលើកឡើងថាអ្នកលេងនៅក្លិបកំពុងទន្ទឹងរងចាំខ្សែប្រយុទ្ធថ្មីមួយទៀត នោះគឺ Leroy Sane ដើម្បីចូលរួមលេងជាមួយក្លិប។
កីឡាករស្លាបប្រយុទ្ធរបស់មេឃខៀវត្រូវបានម្ចាស់ពាន Bundesliga របស់អាល្លឺម៉ង់ចរចារចង់បាន ក្រោយ Arjen Robben និង Franck Ribery ចាកចេញទាំងអាយុចាស់វស្សា។
កីឡាករអាយុ ២៣ឆ្នាំរូបនេះត្រូវបានក្លិបមេឃខៀវទិញក្នុងតម្លៃ ៤៥លានផោនពី Schalke កាលពីខែឧសភា ឆ្នាំ២០១៦។
នៅពេលដែលអ្នកសារព័ត៌មានសួរពី Robben និង Ribery កីឡាករ Lewandowski បានឆ្លើយថា ពួកគេគឺជាកីឡាករជើងចាស់ ពួកគេបានចាកចេញ ទាំងក្រៀមក្រំ។ តែក្លិបនឹងព្យាយាមនាំយកកីឡាករថ្មីមកជំនួស ហើយខ្ញុំជឿជាក់ថា ស្លាបប្រយុទ្ធដែលក្លិបនាំមកនោះ នឹងមាន អនាគតល្អ ដូច Robben និង Ribery ។
អ្វីនៅទីនេះអ្នកលេងនៅក្លិបកំពុងទន្ទឹងរងចាំថា ក្លិបនឹងនាំយក Sane តែយើងកំពុងរងចាំនៅចុងបញ្ចប់នៃរឿងនេះបន្តទៀត។
Niko Kovac ដែលជាគ្រូរបស់ Bayern Munich បានដំណើរការកីឡាករលើទីលានហើយ ដោយទិញបានកីឡាករខ្សែបម្រើរបស់កូរ៉េ ខាងត្បូងម្នាក់ Jeong Woo-yeong ពីក្លិប Freiburg ៕
