ក្លិបបិសាចក្រហមកំពុងកំណត់គោលដៅទៅលើអ្នកចាំទី Andre Onana របស់ក្លិប Ajax ដែលអាចស្នងតំណែងកីឡាករ David de Gea ។
អ្នកចាំទីដៃទី១ អាយុ ២៨ឆ្នាំ ត្រូវបានពហុកីឡដ្ឋាន Old Traford ទទួចចង់ឲ្យបន្តកុងត្រាថ្មី ខណៈដែលកុងត្រារបស់គាត់នៅសល់ ១២ខែទៀត ហើយសាមីខ្លួនបានត្រៀមចាកចេញជាផ្លូវការ ក្នុងករណីទាមទារទឹកប្រាក់កម្រៃលេងមិនដូចចិត្ត។
Ed Woodward នាយកប្រតិបត្តិរបស់ក្លិប ក៏បានត្រៀមចាយលុយធំដែរ ដើម្បីទិញអ្នកចាំទីជួស ប្រសិនបើអ្នកចាំទីដៃទី១ របស់ពួកគេចាកចេញ ហើយក្នុងនោះ Jan Oblak ក៏ត្រូវបានគេដឹងថា ក៏បានត្រៀមចាកចេញពី Atletico Madrid ហើយនឹងមកកាន់ទឹកដីបិសាចក្រហម។
ក្នុងនោះដែរបិសាចក្រហមបានចាប់អារម្មណ៍ ទៅលើ Onana ដែលកំពុងជោគជ័យនៅ Ajax ជាពិសេសជួយឲ្យក្លិបឈានដល់ វគ្គ៤ក្រុមចុងក្រោយ ។
កីឡាករអាយុ ២៣ឆ្នាំ សញ្ជាតិកាមរ៉ូនរូបនេះ អាចនឹងមានតម្លៃជុំវិញខ្ទង់ ៤០លានផោន ៕
