កីឡាករសញ្ជាតិបារាំង Samuel Umtiti បានលើកឡើងថា លោកគ្មានបំណងចងចាកចេញពីក្លិប Barcelona នោះទេ ។
Samuel Umtiti បានក្លាយជាគោលដៅក្នុងបញ្ជីដ៏ធំរបស់គ្រូបង្វឹកក្លិបកាំភ្លើងធំ Arsenal ខណៈដែលក្លិបនេះកំពុងខ្វះនូវតំបន់ការពារ ខណៈដែល អនាគតរបស់Laurent Koscielny និង Shkodran Mustafi នៅមិនទាន់ដាច់ស្រេចជ្រះមន្ទិលជាមួយក្លិប។
កីឡាករ Umtiti អាយុ ២៥ បានផ្លាស់ទៅកាន់ Nou Camp ក្រោយផ្លាស់ពី តោបារាំង ក្នុងកុងត្រារយៈពេល ៣ឆ្នាំ ប៉ុន្តែគាត់នៅតែព្យាយាមតោង ទីតាំងកន្លែងលេងឲ្យស្ថិតក្នុងស្ថានភាពប្រក្រតី សម្រាប់ ១១នាក់ដំបូង។
ខ្សែការពារនេះលេងបាន ១៥ប្រកួតក្រោមការដឹកនាំរបស់លោក Ernesto Valverde ។ ក្រោយបារាំងចាញ់ Tukey 2-0 ក្នុងវគ្គជម្រុះពាន អឺរ៉ូឆ្នាំ២០២០ គាត់ថានៅអេស្ប៉ាញគឺសប្បាយច្រើន។ លោកថា នៅ Barcelona នៅមានកុងត្រាជាប់នៅឡើយ ខ្ញុំមានអារម្មណ៍ថារីករាយនៅទីនេះ។
ក្នុងរដូវកាលនេះមានភាពស្មុគស្មាញ តែនោះមិនមែនជាហេតុផលដែលលោកត្រូវចាកចេញទៅកន្លែងផ្សេងនោះទេ ហើយខ្ញុំនៅតែបន្តនៅ Barcelona នារដូវកាលក្រោយ៕
