គ្រូបង្វឹកក្លិបហង្សក្រហមលោក Jurgen Klopp បាននិយាយថា លោកមិនដែលរំពឹងថា ក្លិប Manchester United អាចនឹងទទួលបានលទ្ធផលល្អយកឈ្នះទៅលើក្លិប មេឃខៀវ Man City នោះទេ ដើម្បីឲ្យហង្សក្រហមលើកពានលីកកំពូលអង់គ្លេសឡើយ។
ក្រោយពីមេឃខៀវយកឈ្នះទៅលើក្លិប បិសាចក្រហម ក្នុងលទ្ធផល 2-0 ធ្វើឲ្យក្លិបនេះឡើងទៅកំពូលតារាងជាថ្មី មានពិន្ទុលើសហង្សក្រហម ១ពិន្ទុ ដើម្បីការពារតំណែងជើងឯកក្នុងរដូវកាលនេះ ខណៈដែលការប្រកួតបញ្ចប់រដូវកាលនៅសល់ ចំនួន ៣ ។
Jurgen Klopp បាននិយាយថា លោកមិនចូលចិត្តមើលការប្រកួតនោះទេ ក៏ព្រោះតែលោកគ្មានអ្វីត្រូវធ្វើជាមួយពួកគេ ហើយបើមាននរណាម្នាក់ ថាមានក្តីរំពឹងនោះ វាជារឿងល្អ ប៉ុន្តែអ្វីដែលខ្ញុំត្រូវគិតនៅទីនេះគឺការប្រកួតបីចុងក្រោយ ត្រូវធ្វើបានឲ្យបានល្អ។ លោកបានបន្ថែមថា អ្វីដែលលោកត្រូវគិត នៅពេលនេះគឺ លោកចង់បាន ៩៧ពិន្ទុ ដោយយើងត្រូវធ្វើការជាច្រើនទៀត ៕
