កីឡាករខ្សែប្រយុទ្ធរឹងមាំ Edinson Cavani ដែលមានវ័យដល់ទៅ៣២ឆ្នាំទៅហើយនោះនៅតែបន្តរីករាយនឹងទំរង់លេងរបស់ខ្លួនដដែលនៅរដូវកាលនេះដោយក្នុងនោះគេអាចរកគ្រាប់បាល់បានរហូតទៅដល់២២គ្រាប់ក្នុងការបង្ហាញទាំង២៧លើកឲ្យក្លឹបPSG។
ប៉ុន្តែជឿជាក់ថារូបគេនឹងមិនស្ថិតនៅក្នុងបញ្ជីកីឡាករសំខាន់សម្រាប់ក្លឹបសេដ្ឋីបារាំងនេះទៀតឡើយក្រោយការមកដល់របស់កំពូលខ្សែប្រយុទ្ធបារាំងវ័យក្មេង Mbappe និងជាពិសេស Neymar ផងនោះហើយលើលពីនេះទៀតគឺកុងត្រាចាស់របស់គេនៅសល់តែ១ឆ្នាំទៀតផងដែរ។
វាបានក្លាយទៅជាភ្លើងខៀវសម្រាប់ក្លឹបអង់គ្លេសតោខៀវ Chelsea ដែលកំពុងជួបវិបត្តិខ្សែប្រយុទ្ធក្នុងនោះទាំង Giroud និងកីឡាករខ្សែប្រយុទ្ធខ្វីជើង Higuain សុទ្ធតែមិនអាចជួយក្លឹបនេះប្រជែងពានរង្វាន់អង់គ្លេសបានខ្លាំងឡើយនៅរដូវកាលនេះ៕
ប្រែសម្រួល:Lee
