Floyd Mayweather អាចនឹងបើកការប្រកួតជាមួយ Khabib Nurmagomedov បន្ទាប់ពីកីឡាករក្នុងទ្រុងរុស្ស៊ី បានប្រើប្រាស់នូវពាក្យផ្លែផ្កា ។
នៅថ្ងៃអាទិត្យ កីឡាករអាយុ៣០ឆ្នាំ ជនជាតិរុស្ស៊ីបានហៅកីឡាករអាម៉េរិក Mayweatherឲ្យចេញក្រៅ ឲ្យដឹងថានរណាជាអ្នកខ្លាំងមិនធ្លាប់ចាញ់ កុំសម្ងំនៅក្នុងព្រៃ ធ្វើជាស្តេចតែម្នាក់គត់នោះ។
Mayweather អាយុ ៤១ឆ្នាំ បានវាយឈ្នះអ្នកប្រដាល់ក្នុងទ្រុង Conor McGregor កាលពីខែសីហា ឆ្នាំ២០១៧ ។ថែមពីលើនេះកីឡាករសញ្ជាតិអៀរឡង់ រូបនេះក៏បានចាញ់កីឡាកររុស្ស៊ី Nurmagomedov កាលពីថ្ងៃទី៦ តុលា។
លទ្ធផលនេះបានធ្វើឲ្យ Nurmagomedov បានពង្រីកកំណត់ត្រាក្បាច់គុនចម្រោះ ដោយប្រកួតមិនដែលចាញ់ 27-0 ។
Mayweather ដែលមិនស្គាល់ពាក្យថាចាញ់ចំនួន ៥០ លើកនោះ បានបញ្ចេញនូវទស្សនៈផ្ទាល់ខ្លួននៅលើធ្វីតទ័រថា «CBS, បង្ហាញពេល និង MGM Grand ដើម្បីទទួលបានឯកសារដាក់ចេញមកក្រៅ» ។ ចំណុចនេះត្រូវបានគេយល់ឃើញថា Mayweather ចង់ឲ្យ Nurmagomedov បង្ហាញនូវពេលវេលាទីតាំងប្រកួត និងទឹកប្រាក់ ក្នុងការប្រកួត ។
Nurmagomedov ដែលបានរក្សាតំណែងជើងឯកទម្ងន់ស្រាលរបស់ UFC បានបន្ថែមថា ពិតណាស់ខ្ញុំជាស្តេចព្រោះតែគាត់ពិបាកទម្លាក់ McGregor តែខ្ញុំវិញធ្វើបានយ៉ាងងាយស្រួល ។
សម្រាប់ Mayweather បានយកឈ្នះ McGregor នៅទឹកទី១០ អំឡុងការប្រកួត នៅឆ្នាំ ២០១៧ ៕
