Son Heung-min បានបញ្ជាក់ថា អនាគតរបស់គាត់គឺនៅជាមួយ Spurs បើទោះបីជាក្លិប Bayern Munich បានធ្វើការចែចូវក៏ដោយនោះ។
Son បានចុះហត្ថលេខាថ្មីជាមួយ Spurs រយៈពេល ៥ឆ្នាំ កាលពីខែ កក្កដា ប៉ុន្តែសារព័ត៌មានជាច្រើនបានចុះផ្សាយថា ម្ចាស់ពានក្របខណ្ឌអាល្លឺម៉ង់ Bayern Munich គឺកំពុងតែព្យាយាមចាយលុយទិញកីឡាករកូរ៉េរូបសង្ហារ និងជាអតីតកីឡាករ Bayer Leverkusen ។
កីឡាករដែលបានក្លាយជាផ្នែកមួយដ៏សំខាន់ របស់លោក Mauricio Pochettino និងបានជួយឲ្យក្លិបបានបញ្ចប់ចំណាត់ថ្នាក់លេខ ៣ កាលពីរដូវកាលមុន។
ថ្លែងប្រាប់អ្នកសារព័ត៌មានក្រោយបញ្ចប់ជ័យជម្នះលើ Brighton and Hove Albion 2-1 ថា ថ្មីៗនេះខ្ញុំបានកុងត្រាជាមួយក្លិប ហើយពេលនេះអ្វីដែលខ្ញុំត្រូវតែធ្វើនិងជឿជាក់ ដោយធ្វើអ្វីៗសម្រាប់ក្រុម ខ្ញុំនៅទីនេះរីករាយខ្លាំងណាស់ ។
Son បានរួចផុតពីការចូលបម្រើយោធា ក្រោយគេបានជួយឲ្យប្រទេសខ្លួនទទទួលបានមេដាយមាស ក្នុងព្រឹត្តិការណ៍ Asian Games ដោយយកឈ្នះ ជប៉ុនក្នុងម៉ោងបន្ថែម៕
