តំណែងរបស់ Mourinho កំពុងស្ថិតក្នុងស្ថានភាពប្រទាញប្រទង់ ដោយអាចនឹងត្រូវបានក្លិបស្នើឲ្យដកចេញ ក្រោយការប្រកួតពីរប្រកួតនេះ គ្មានផ្លែផ្កាមួយគួរឲ្យកត់សម្គាល់នោះ ។
វាសនារបស់គ្រូបង្វឹកព័រទុហ្កាលរូបនេះ នឹងមិនខុសពី គ្រូបង្វឹកពីររូបមុនឡើយ David Moyes និង Louis van Gaal ត្រូវបានក្លិបបណ្តេញចេញ ។
មានគ្រូបង្វឹក ៥ រូបដែលនឹងត្រូវជំនួសតំណែង Mourinho ៖
#5 Leonardo Jardim
គ្រូបង្វឹកព័រទុហ្កាលរូបនេះ បច្ចុប្បន្នកំពុងគ្រប់គ្រងក្លិប AS Monaco FC ដែលជាជម្រើសមួយដ៏ល្អ សម្រាប់ Manchester United ។
#4 Laurent Blanc
ជាអតីតកីឡាកររបស់បារាំងក្នុងឆ្នាំ ២០០៣ ហើយបុរសបារាំងនេះ ត្រូវបានទាក់ទងទៅគ្រប់គ្រងក្លិប ក្រោយ Van Gaal ចូលកាន់កាប់ ជាផ្លូវការ។
គ្រូបង្វឹករូបនេះ ធ្លាប់គ្រប់គ្រងតំណែងជាគ្រូបង្វឹក Bordeaux , France, Paris Sanint Germain ។
Laurent Blanc ចូលចិត្តទម្រង់នៃការប្រើប្រាស់ 4-3-3 ។
#3 Marcelino Garcia Toral
គាត់ជាគ្រូបង្វឹក របស់ក្លិប Valencia CF នាពេលបច្ចុប្បន្ន ហើយធ្លាប់បានដឹកនាំក្លិបរបស់ខ្លួន ទៅកាន់ ក្របខណ្ឌ Europa League ជាច្រើនដង ក្នុងវគ្គពាក់កណ្តាលផ្តាច់ព្រ័ត្រ ។
#2 Antonio Conte
គ្រូបង្វឹក ដែលត្រូវបានតោខៀវដេញចេញ ហើយក៏កំពុងក្លាយជាបេក្ខជន ដែលត្រូវ Man Utd ជ្រើសរើស ក្នុងករណី Mourinho ចាកចេញ ។
ទម្រង់លេងភាគច្រើនគាត់ចូលចិត្តប្រើ 3-4-3 ដែលវាប្រសើរជាងទម្រង់ ប្រើបច្ចុប្បន្ន 4-3-2-1 នោះ ។
#1 Zinedine Zidane
អតីតគ្រូបង្វឹកដ៏ជោគជ័យរបស់ Real Madrid នេះ បានជួយឲ្យ អធិរាជស លើកពាន UCL ចំនួន ៣លើក និងលីគកំពូល La Liga ក្រោយ គ្រូបង្វឹក Rafa Benitez ត្រូវបានបណ្តេញនៅឆ្នាំ 2015/16 ៕
