យោងតាមគេហទំព័រ Anfield Watch បានឱ្យដឹងថា Liverpool មានហានិភ័យក្នុងការបាត់បង់តារាខ្សែបម្រើសំខាន់ពីរនាក់របស់ពួកគេនៅក្នុងទីផ្សារដោះដូរកីឡាករនាពេលខាងមុខ ខណៈដែល Real Madrid និង Barcelona កំពុងរៀបចំផែនការផ្លាស់ប្តូរសម្រាប់ Dominik Szoboszlai និង Ryan Gravenberch។
ខ្សែបម្រើទាំងពីរត្រូវបានចុះហត្ថលេខាដោយលោក Jurgen Klopp នៅរដូវក្តៅឆ្នាំ 2023 ខណៈដែលគ្រូបង្វឹកសញ្ជាតិអាឡឺម៉ង់កំពុងស្វែងរកការពង្រឹងតំបន់បម្រើរបស់ក្រុម។ ពួកគេបានចំណាយពេលដើម្បីសម្របខ្លួនទៅនឹងបរិយាកាសថ្មីរបស់ពួកគេ និងបានជួបប្រទះការចាប់ផ្តើមយ៉ាងលំបាក ប៉ុន្តែចាប់តាំងពីរដូវកាលមុនមក កីឡាករទាំងពីរបានក្លាយជាផ្នែកសំខាន់នៃក្រុមហង្សក្រហម។
បន្ទាប់ពីបានបង្ហាញសមត្ថភាពក្នុងយុទ្ធនាការឈ្នះពានរបស់ពួកគេ Szoboszlai និង Gravenberch ស្ថិតក្នុងចំណោមឈ្មោះជម្រើសដំបូងនៅក្នុងក្រុមរបស់លោក Slot ៕
