បន្ទាប់ពីចាកចេញពីក្លឹប FC Barcelona កីឡាករ Vitor Roque បានស្តារទម្រង់លេងរបស់គាត់ឡើងវិញក្នុងប្រទេសប្រេស៊ីល។ បន្ទាប់ពីឆ្នាំដ៏លំបាកក្នុងប្រទេសអេស្ប៉ាញជាមួយ Barca ខ្សែប្រយុទ្ធរូបនេះបានសម្រេចចិត្តត្រលប់ទៅប្រទេសកំណើតរបស់គាត់វិញដោយចូលរួមជាមួយ Palmeiras ជាការផ្លាស់ប្តូរមួយដែលបង្ហាញថាត្រឹមត្រូវ។
ការបង្ហាញទម្រង់លេងរបស់គាត់ត្រូវបានគេកត់សំគាល់ ហើយយោងទៅតាម Sports Illustrated បានឲ្យដឹងថាក្លឹប Manchester United កំពុងតាមដានយ៉ាងដិតដល់លើ Roque ហើយត្រូវបានគេរាយការណ៍ថាបានត្រៀមខ្លួនក្នុងការផ្តល់ជូន 50 លានអឺរ៉ូ។
ប្រសិនបើកីឡាកររូបនេះផ្ទេរចេញ នោះក្លឹប Barcelona នឹងទទួលបាន 20 ភាគរយនៃតម្លៃរបស់កីឡាករ។ នោះមានន័យថា បើ Manchester United ឬក្លឹប Premier League ផ្សេងទៀតត្រូវចំណាយ 50 លានអឺរ៉ូគឺ Barcelona នឹងទទួលបាន 10 លានអឺរ៉ូ៕
