បន្ទាប់ពីបញ្ចប់ក្នុងចំណោមកីឡាករ ១០ រូប ដែលមានលទ្ធផលល្អបំផុតសម្រាប់ពាន Ballon d’Or រហូតដល់ ៨ ដង កីឡាករ Rodrygo ជឿជាក់ថា ឆ្នាំ ២០២៦ អាចជាឆ្នាំដែល Kylian Mbappe នឹងអាចលើកពានរង្វាន់បុគ្គលដ៏មានកិត្យានុភាពនេះបាន។
កីឡាករលេខ ១០ របស់ក្រុម Real Madrid រូបនេះ ត្រូវបាន Rodrygo ពណ៌នាថាជា «បាតុភូតបាល់ទាត់» (football phenomenon) ដែលកាន់តែ «លឿនឡើងៗជារៀងរាល់ថ្ងៃ» ហើយរូបគេបានបង្ហាញទម្រង់លេងដែលមិនអាចបញ្ឈប់បាន ដោយបានស៊ុតបញ្ចូលទីយ៉ាងច្រើនរហូតដល់ ១៤ គ្រាប់ នៅក្នុងការប្រកួត ១០ លើកដំបូងនៃរដូវកាល ២០២៥-២៦៕
