កីឡាករ Nicolas Jackson បានផ្ញើសារទៅកាន់ក្លឹប Chelsea ជាលើកដំបូង បន្ទាប់ពីបញ្ចប់ការផ្ទេរខ្ចីជើងទៅកាន់ក្លឹប Bayern Munich នៅថ្ងៃចុងក្រោយនៃការដោះដូរកីឡាករ។
ថ្លែងទៅកាន់សារព័ត៌មាន Tuttosport ខ្សែប្រយុទ្ធសញ្ជាតិសេណេហ្គាល់រូបនេះបាននិយាយថា៖ «មានអារម្មណ៍ខ្លាំងក្លាណាស់ ប៉ុន្តែមិនមែនសម្រាប់ហេតុផលដែលអ្នកគិតនោះទេ។ ខ្ញុំពិតជាសប្បាយចិត្តណាស់ដែលបានចុះហត្ថលេខាជាមួយក្លឹបដ៏ធំបំផុតមួយក្នុងពិភពលោក ដើម្បីស្វែងយល់ពីលីគមួយផ្សេងទៀត និងកីឡាករដ៏អស្ចារ្យផ្សេងទៀត។ ទន្ទឹមនឹងនេះ ខ្ញុំក៏មានអារម្មណ៍ក្រៀមក្រំខ្លះដែរដែលត្រូវចាកចេញពី Chelsea មិត្តរួមក្រុម និងអ្នកគាំទ្រ។ ខ្ញុំធ្លាប់មានបទពិសោធន៍ដ៏រំភើបជាច្រើននៅទីនោះ៖ យើងបានឈ្នះពាន Conference League និង Club World Cup។ ឥឡូវនេះ ខ្ញុំផ្ដោតអារម្មណ៍ ១០០ ភាគរយលើគម្រោងថ្មីរបស់ខ្ញុំ ហើយខ្ញុំទន្ទឹងរង់ចាំបទពិសោធន៍ដ៏អស្ចារ្យនៅកីឡដ្ឋាន Allianz Arena»៕
