យោងតាមការចេញផ្សាយរបស់ Mundo Deportivo បានឱ្យដឹងថា Barcelona បានបង្ហាញជំហរច្បាស់លាស់លើ Fermin ដោយទាមទារយ៉ាងហោចណាស់ ៧០លានអឺរ៉ូសម្រាប់កីឡាករវ័យ ២២ឆ្នាំ។
ក្លឹបយក្សកាតាឡានទទូចថា ពួកគេគ្រាន់តែពិចារណាលើការផ្ទេរ ប្រសិនបើលក្ខខណ្ឌត្រូវបានបំពេញ៖ ប្រសិនបើ Fermin ខ្លួនគាត់ស្នើសុំចាកចេញ ហើយការផ្តល់ជូនមកដល់ដែលត្រូវនឹងទំហំនៃការចំណាយរបស់ក្លឹបនៅ Premier League ។ រហូតមកដល់ពេលនេះ Chelsea បាននិងកំពុងតាមដានយ៉ាងដិតដល់នូវកីឡាករសញ្ជាតិអេស្ប៉ាញរូបនេះ ហើយបានផ្តល់សញ្ញាថាពួកគេនឹងយល់ព្រមបង់ប្រាក់ចំនួន ៥០លានអឺរ៉ូ ។ របាយការណ៍បន្ថែមថាក្រុមតោខៀវបានផ្តល់ឱ្យ Fermin នៅរយៈពេល ៤៨ម៉ោងដើម្បីសម្រេចចិត្ត ថាតើគាត់ចង់ចូលរួមជាមួយពួកគេឬអត់៕
