យោងតាមការចេញផ្សាយរបស់ Gianluca Di Marzio បានឲ្យដឹងថាក្លឹប Inter កំពុងពិចារណាលើការផ្លាស់ប្តូរមួយសម្រាប់ខ្សែប្រយុទ្ធ Chelsea ដែលជួបការលំបាកក្នុងការស្វែងរកពេលវេលាលេងរបស់គាត់ជាមួយក្លឹបនៅទីក្រុងឡុងដ៍ចាប់តាំងពីការមកដល់របស់គាត់ក្នុងឆ្នាំ២០២៣។ ក្លឹប Inter ក្រោមការដឹកនាំរបស់គ្រូបង្វឹកថ្មី Cristian Chivu គ្រោងនឹងកសាងក្រុមឡើងវិញសម្រាប់តំបន់ប្រយុទ្ធរបស់ពួកគេ បន្ទាប់ពីបញ្ចប់រដូវកាលដ៏ខកចិត្តកាលពីរដូវកាលមុន ហើយមើលឃើញកីឡាករសញ្ជាតិបារាំងជាជម្រើសដែលអាចទុកចិត្តបាន។
ទោះជាយ៉ាងណាក៏ដោយ វាមិនងាយស្រួលទេសម្រាប់ Inter ក្នុងការទាក់ទាញកីឡាករវ័យ ២៧ឆ្នាំមកកាន់ Serie A ខណៈយោងតាមការចេញផ្សាយរបស់ Sport Bild បានអោយដឹងថាក្លឹប Bayern Munich បានពិភាក្សារួចហើយជាមួយភ្នាក់ងាររបស់កីឡាកររូបនេះ។ កីឡាករ Nkunku ត្រូវបានផ្សារភ្ជាប់យ៉ាងខ្លាំងជាមួយក្លឹប Bayern ក្នុងខែមករា ហើយម្ចាស់ជើងឯក Bundesliga ត្រូវបានរាយការណ៍ថាបានចាប់អារម្មណ៍ជាថ្មីម្តងទៀតបន្ទាប់ពីរបួសរបស់កីឡាករ Jamal Musiala ៕
