កីឡាករ Douglas Luiz ដែលត្រូវបានផ្សារភ្ជាប់ជាមួយនឹងការចាកចេញពីក្លឹប Juventus នៅរដូវក្តៅនេះ បានបង្ហើបថាគាត់គ្រោងនឹងត្រលប់ទៅ Aston Villa វិញឬយ៉ាងណា។
កីឡាករសញ្ជាតិប្រេស៊ីលបានប្រាប់អ្នកយកព័ត៌មានថា «ខ្ញុំបាននិយាយអំពី Aston Villa ជាកន្លែងរីករាយសម្រាប់ខ្ញុំ ខ្ញុំចូលចិត្តនៅទីនោះ ហើយអភិវឌ្ឍនៅក្លឹបនោះ ប៉ុន្តែខ្ញុំមិនដែលនិយាយអំពីការត្រលប់ទៅកាន់ Aston Villa ទេ។ កុំយល់ច្រឡំខ្ញុំ។ ខ្ញុំស្រលាញ់ Juventus ហើយខ្ញុំផ្តោតទាំងស្រុងលើគោលដៅរបស់យើង»៕
